पोखरा । लायन्स क्लब पोखरा अन्नपूर्णको आयोजना तथा पद्म नर्सिङ होम प्रालिको प्राविधिक सहयोगमा माछापुच्छे गाउँपालिका –८ खोराको मुखस्थित सहिद हरिप्रसाद आभारभूत विद्यालयमा निशुल्क आँखा शिविर भएको छ । उक्त अवसरमा ७८ जना विद्यार्थी तथा शिक्षकहरुलाई निशुल्क आँखा परीक्षण गरी औषधी वितरण गरिएको छ । कार्यक्रमको शुभारम्भ वडा सदस्य चोकप्रसाद दाहाललले गरे ।

कार्यक्रममा वरिष्ठ नेत्र अधिकृत जीतेन्द्र पौडेलले आँखा मानिसको मुख्य अंग भएकोले दृष्टिलाई कहिले पनि लापर्वाही गर्न नहुने बताए । विद्यालय व्यवस्थापन समिति अध्यक्ष ओमप्रसाद गुरुङले अन्नपूर्ण लायन्स क्लबले विगतमा खानेपानी टंकी सहयोग गरेको स्मरण गरे ।

विद्यालय शिक्षक अभिभावक संघ अध्यक्ष जानुका भण्डारी विद्यालयमै आएर विद्यार्थीहरुको आँखा जाँच गरी सहयोग गरेकोमा धन्यवाद् दिइन् ।

पोखरा उद्योग वाणिज्य संघ कार्यसमिति सदस्य तथा क्लबका पूर्वअध्यक्ष प्रदीप राजभण्डारीले सहरभन्दा बाहिर गाउँमा आएर लायन्स क्लब अन्नपूर्णले आँखा शिविर गरी क्लबको पहिचान राख्न सफल भएको बताए । विद्यालयका प्रधानाध्यापक बलराम रानाभाटले क्लबको हालसम्मको सहयोगका लागि धन्यवाद् व्यक्त गर्दै आगामी दिनमा समेत सहयोगको अपेक्षा गरे । जोन चियर पर्सन दिनेश तुलाचनले क्लबले अब छिटै उक्त ठाउँमा स्वास्थ्य शिविर गर्ने प्रतिबद्धता जनाए ।

क्लबका पूर्व अध्यक्ष रवीन्द्रबहादुर प्रजुले विद्यार्थीहरुलाई सहयोग गर्ने पाएको धन्यवाद् दिए । कार्यक्रम संयोजक योगराज पौडेलले क्लबको वार्षिक कार्यक्रम अन्तर्गत आँखा शिविर भएको बताए । कार्यालय सचिव श्यामप्रसाद साँखीले सञ्चालन गरेको कार्यक्रम लायन्स क्लब पोखरा अन्नपूर्ण अध्यक्ष गणेश छबिको अध्यक्षतामा भएको थियो ।