पोखरा ।
१३ औं संस्करणको पोखरा महोत्सवका लागि स्टल बुकिङ खुला गरिएको छ । युनाइटेड क्लबको आयोजनामा पुस २५ देखि माघ ७ गतेसम्म पोखराको अमरसिंह चौरमा हुने महोत्सवका लागि स्टल बुकिङ खुला गरिएको हो ।

महोत्सवका लागि आयोजित विभिन्न उपसमिति संयोजक तथा महोत्सव सल्लाहकारको बैठकको निर्णय अनुसार महोत्सव आयोजक युनाइटेड क्लबले महोत्सवको स्टल बुकिङ पुस १ गते दिनका १ बजेदेखि खुला गरिएको महोत्सव प्रचारप्रसार संयोजक दिनेश सुनारले जानकारी दिए ।

महोत्सवमा पर्यटन, कृषि, अटो लगायतका स्टललाई विशेष छुट प्रदान गरिने महोत्सवका अर्थ तथा स्टल ब्यवस्थापन उपसमिति संयोजक जयराम आचार्यले बताए ।