पोखरा ।
पोखरा महानगरपालिका वडा नम्बर १८ सराङकोटमा अवस्थित सृजना आधारभूत विद्यालयलाई इनर ह्वील क्लब अफ अन्नपूर्णले सहयोग गरेको छ । क्लवले शुक्रबार विद्यालय पोषाक तथा स्टेसनरी सामग्री सहयोग गरेको हो ।

क्लबका अध्यक्ष रेनु श्रेष्ठको सभापतित्वमा भएको कार्यक्रममा विद्यालय व्यवस्थापन समितिका अध्यक्ष गणेश गिरी, प्रधानाध्यापक अनिता सुवेदी, क्लबका सहसचिव सम्झना तिमिल्सिना लगायतको उपस्थित थियो ।

आर्थिक स्थिति अत्यन्तै कमजोर भएकाले विद्यार्थीको अध्ययनमा निकै धक्का पुगिरहेको अवस्थामा क्लवको सहयोगले विद्यार्थीलाई मद्दत पुगेको अध्यक्ष गिरीले बताए । उनले सहयोगका लागि क्लवलाई धन्यवाद दिएका थिए ।