पोखरा । टेम्पल ट्रि रिसोर्ट प्रालिले सामुदायिक विद्यालयका गरिब तथा विपन्न परिवारका बालबालिकालाई मंगलबार न्यानो कपडा तथा शैक्षिक सामग्री वितरण गरेको छ ।

संस्थागत सामाजिक उत्तरदायित्व अन्तर्गत छोरेपाटन मावि, विन्ध्यवासिनी मावि र रजानकी माविका १ सय २५ विद्यार्थीमध्ये ८५ लाई विद्यालय पोशाक, स्टेसनरी र स्वीटर प्रदान गरेको रिसोर्टका अध्यक्ष वसन्त गौतमले जानकारी दिए । उनले सामाजिक संस्था असल छिमेकी सहयोग संघ नेपाल (गोनेसा )को सहयोगमा विद्यार्थीलाई ती सामग्री प्रदान गरेको उल्लेख गरे ।

गोनेसा अध्यक्ष रामप्रसाद सुवेदीले विद्यार्थी विद्यालय भर्ना कार्यक्रम अन्तर्गत शैक्षिक सत्रमा ४ सय ३० बालबालिकालाई पोशाक तथा शैक्षिक सामग्री वितरण गरिने बताए । उनले वर्षको २ पटक विद्यालय पोशाक, स्टेसनरी, झोला प्रदान गर्दै आएकोमा दातृ निकायको सहयोग घटेकोमा कठिनाई भएको सुनाए ।

कार्यक्रममा गोनेसाका सल्लाहकार मोनिका गौतम, कार्यसमिति सदस्य केशु भुजेल, सुपरभाइजर कमल पुन लगायतले विद्यार्थीका लागि गुणस्तरीय शिक्षाका लागि घरपरिवारबाट उचित वातावरण मिलाउनुपर्ने बताए ।