काठमाडौं । एनसेल सबैभन्दा बढी कर तिरेकोमा सम्मानित भएको छ । गत आर्थिक वर्ष संस्थागततर्फ सबैभन्दा बढी कर योगदान गरेकोमा ललितपुर महानगरपालिकाले मंगलबार एनसेलललाई सम्मान गरेको हो ।

प्रधानमन्त्री केपी शर्मा ओली र महानगरपालिकाका मेयर चिरीबाबु महर्जनले संयुक्त रुपमा महानगरपालिकाको १ सय ६ औं स्थापना दिवसको अवसरमा आयोजित विषेश कार्यक्रममाझ एनसेलका प्रमुख कार्यकारी अधिकृत तथा प्रबन्ध निर्देशक जाब्बोर कायुमोभलाई सम्मान पत्र प्रदान गरे ।

‘ललितपुर महानगरपालिकाले हाम्रो योगदानलाई कदर गर्दै प्रदान गरेको यो सम्मानका लागि हामी कृतज्ञ छौं । यसरी देशको अर्थतन्त्र र विकासमा प्रत्यक्ष, अप्रत्यक्षरुपमा योगदान गर्न पाउँदा हामी गौरवान्वित छौं,’ एनसेलका प्रमुख कार्यकारी अधिकृत तथा प्रबन्ध निर्देशक जाब्बोर कायुमोभले भने ।

एनसेलले स्थापना कालदेखि २०८०/८१ सम्ममा सरकारलाई विभिन्न कर तथा शुल्क शीर्षकमा ३ सय अर्बभन्दा बढी कर तिरेको छ । गत वर्षमात्रै कम्पनीले २०.३० अर्ब कर तथा शुल्कहरु सरकारलाई दाखिला गरेको छ ।