लेखनाथ ।
पोखरा २६ अर्घौबजारमा रहेको लेखनाथ बचत तथा ऋण सहकारी संस्थाको आयोजनामा शनिबार अन्तक्र्रिया भएको छ ।

कार्यक्रममा संस्थाका अध्यक्ष हरिबहादुर जिसीले संस्थाभन्दा बाहिर सञ्चालन हुने सहक्रियाकलापले सदस्यको चौतर्फी विकास हुने बताए ।

उनले संस्थालाई अगाडि बढाउन तालिम गोष्ठी तथा वनभोज कार्यक्रम सामूहिक क्रियकलापले सदस्यलाई सामाजिकीरण हुन सहयोग पुग्ने भएकाले सहक्रियाकलाप निरन्तर आवश्यक रहेको जनाए ।

संस्थाका सचिव शिवप्रसाद भण्डारीले संस्थाका समिति र सेयर सदस्यका बिच हुने विभिन्न सहभागिता रहेको वनभोजमा सदस्यले प्रतिभा प्रदर्शन र एकताको सन्देश जाने उल्लेख गरे । ।

खेलकुद संयोजक राजेन्द्र जिसीले सदस्यबिच कुर्ची दौड, वेलन फुटाइ, रसाकस्सी, घैटो फुटाउने र खुला नृत्य लगायतका कार्यक्रम भएको जानकारी दिए ।