लेखनाथ ।
शिवालय टोल विकास संस्था पोखरा ३० मोहरियाको अध्यक्षमा चिरञ्जीवी तिवारी निर्वाचित भएका छन् । बुधबार भएको साधारण सभा तथा अधिवेशनबाट उपाध्यक्षमा भगवती अधिकारी, सचिव शोभा न्यौपाने र कोषाध्यक्षमा गुणप्रकाश बञ्जारा जुनिए ।

सदस्यमा विष्णुप्रसाद भट्टराई, पुष्पा कँडेल र राधिका बञ्जारा निर्वाचित भए । कार्यक्रममा पोखरा ३० का वडा अध्यक्ष दुर्गाप्रसाद सुवेदीले वडामा अब बाटोघाटो, बिजुली, खानेपानी निर्माणभन्दा पनि मनकामना मन्दिरलाई धार्मिक पर्यटनसँग जोड्नुपर्नेमा जोड दिए ।

संस्थाका अध्यक्ष चिरञ्जीवी तिवारीले २०६१ सालमा स्थापित संस्थालाई अब्बल बनाउन लाग्न जनाए । सभामा कोषाध्यक्ष गुणप्रसाद बञ्जाराले कोषाध्यक्षको प्रतिवेदन र सचिव शोभा शर्मा न्यौपानेले प्रगति प्रतिवदेन पेश गरेका थिए । कार्यक्रममा वडा सदस्यहरु विनोदप्रसाद लामिछाने र उमा परियारले पनि बोलेका थिए ।