पोखरा । प्रदेश लोक सेवा आयोग गण्डकीले प्रदेशका ६ र २ पालिकाका विभिन्न समूहका अधिकृतलाई उपसचिव अर्थात् नवौं तहमा बढुवाका लागि सिफारिस गरेको छ । ज्येष्ठता तथा कार्यसम्पादन र कार्यक्षमताको मूल्यांकनको आधारमा हुने बढुवाको लागि बढुवा समितिको बैठकले बढुवाका लागि सिफारिस गरेको हो ।

बढुवा सिफारिसमा पर्नेमा ज्येष्ठताका आधारमा जनरल फरेष्ट्रीतर्फ हेमलाल न्यौपाने छन् । कार्यक्षमताका आधारमा प्रदेश इन्जिनियरिङ सेवा / सिभिल / इरिगेसनतर्फ मोहनराज आचार्य, कार्यक्षमताका आधारमा प्रदेश कृषि सेवा / भेटेरिनरीतर्फ
डा. अनन्त कोइराला, प्रदेश वन सेवा / जनरल फरेष्ट्रीतर्फ मनोज रानाभाट र शिवप्रसाद श्रेष्ठको बढुवा सिफारिसमा परेका छन् ।
प्रदेश वन सेवा / स्वा. एण्ड वाटर कन्जरभेसनतर्फ चन्द्रप्रकाश सेडाई बढुवामा सिफारिस हुँदा पोखरा महानगरका इन्जिनियर सुरेन्द्र पाण्डे र ब्यास नगरपालिकाका राजु पौडेल समेत बढुवामा परेका छन् ।