पाेखरा ।

मोरङ कटहरी गाउँपालिका–४ का ३६ वर्षीय तुलसी पोखरेल पुष १३ गते बिहानदेखि सम्पर्कविहीन भएका छन् । परिवारका अनुसार, उनले बिहान करिब ८ः१५ बजेतिर घरमा थाह नदिई घरबाट निस्किएका थिए ।

उनले प्रयोग गर्ने मोबाइल फोन घरमै छोडेर हिँडेका कारण उनको अवस्थाबारे कुनै जानकारी हुन नसकेको उनका बुवा इन्द्रप्रसाद पाेखरलेले बताएका छन् ।

तुलसीको परिवारले प्रहरी चौकी कटहरीमा निवेदन दर्ता गरी खोजीका लागि सहयोग मागेका छन् । उनका आफन्त तथा साथीभाइकोमा खोजी गर्दा समेत कुनै सूचना प्राप्त नभएको परिवारले जनाएको छ ।

परिवारले प्रहरीसँग खोजीको प्रक्रिया तीव्र बनाउन आग्रह गरेको छ । साथै, हराएको व्यक्तिबारे जानकारी हुने जोसुकैले नजिकको प्रहरी कार्यालयमा वा ९८४२४८५७३३ नम्बरमा सम्पर्क गर्न अनुरोध गरिएको छ ।