पोखरा । गण्डकी प्रदेश सभाकी पूर्व सदस्य मिना गुरुङसहित सूर्यदर्शन सहकारी ठगी प्रकरणका तीन जना धरौटी बुझाएर रिहा भएका छन्। कास्की जिल्ला अदालतको आदेशपछि उनीहरू छुटेका हुन्। अदालतको आदेशपछि मिना गुरुङ, आरती गुरुङ र कृष्णबहादुर गुरुङ धरौटी बुझाएर रिहा भएका हुन्। कृष्णबहादुर र मिना बाबुछोरी हुन् ।

अदालतले मिना र आरती गुरुङसँग ५ लाख, कृष्ण गुरुङसँग १ लाख धरौटी माग गरेको थियो।

न्यायाधीश नीतिज राईको इजलासले बिहीबार रवि लामिछानेसहितलाई धरौटीमा रिहा गर्न आदेश दिएको थियो।

अदालतले रवि लामिछानेसँग ६५ लाख, छविलाल जोशीसँग ८८ लाख, लिला पछाईसँग ३७ लाख र रामबहादुर खनालसँग १५ लाख रुपैयाँ धरौटी माग गरेको छ।