पोखरा । कोन सामुदायिक बचत तथा ऋण सहकारी संस्था पोखरा १३ को अध्यक्षमा माधवप्रसाद सिग्देल सर्वसम्मत भएका छन् । सहकारीको २६ औं वार्षिक साधारण सभा नवौं निर्वाचनबाट शान्तकुमार श्रेष्ठ उपाध्यक्ष, सचिवमा सुरेन्द्रप्रसाद सिग्देल, कोषाध्यक्ष जयप्रसाद सापकोटा र सहसचिवमा केदारराज सिग्देल छन् ।

सदस्यमा बजिरमान श्रेष्ठ, शारदा पराजुली, खड्कबहादुर गुरुङ र अम्बिका गुरुङ चयन भएका छन् । लेखा सुपरीवेक्षण समितिमा ज्ञानेन्द्रप्रसाद सिग्देल संयोजक र सदस्यमा ईन्द्रप्रसाद भट्टराई र लक्ष्मी गुरुङ सर्वसम्मत बनेको निर्वाचन समितिका संयोजक तथा निर्वाचन अधिकृत दयाराम गौतमले जानकारी दिए ।

सभामा सहकारी रजिस्ट्रारको कार्यालय गण्डकी प्रदेशका रजिस्ट्रार भेषराज रिजालले नियम र कानुनको पालना गरे कुनै पनि सहकारी कमजोर नहुने धारणा व्यक्त गरे । सहकारीका अध्यक्ष तीर्थबहादुर बस्नेतको अध्यक्षतामा भएको सभामा सहकारीका मानार्थ संरक्षक शरदकान्त सिग्देलले स्थानीय स्तरमा हुने सहकार्य र एकतामा जोड दिँदै २५ वर्ष लामो इतिहासलाई जोगाउन सक्नुपर्ने बताए ।

सभाका रजत स्मारिमासमेत विमोचन भएको थियो । कार्यक्रममा उत्कृष्ट सेयर सदस्य तारामती गुरुङ र बिमला गुरुङलाई सम्मान गरियो ।

वर्ष उत्कृष्ट तथा १५ वर्ष बढी निरन्तर सेवा गरेका कर्मचारीमा सुपरभाइजर रुपा गुरुङ र वरिष्ठ सहायक मनबहादुर गुरुङलाई पुरस्कृत गरिएको महाप्रबन्धक सुजता हमालले जानकारी दिइन् । सभामा तीर्थबहादुर बस्नेतले अध्यक्षको, शान्तकुमार श्रेष्ठले सचिवको, जयप्रसाद सापकोटाले कोषाध्यक्षको र ज्ञानेन्द्रप्रसाद सिग्देलले लेखा सुपरीवेक्षण समितिको प्रतिवेदन प्रस्तुत गरे ।

कार्यक्रममा सहकारीका उपाध्यक्ष माधवप्रसाद सिग्देल, शारदा पराजुली, सेयर सदस्यहरु किरण केसी र सत्यदेवी खनालले बोलेका थिए । सहकारीमा १८ करोड ९४ लाख १७ हजार ७ सय सेयर पुँजी छ ।