पोखरा ।
पोखरामा जारी दोस्रो संस्करणको केपी ओली कप टी २० राष्ट्रिय पुरुष क्रिकेट प्रतियोगितामा गण्डकी हिरोज र हिमालयन क्रिकेट एकेडेमीले आ–आफ्नो खेलमा जित हाँसिल गरेका छन् । मदन भण्डारी स्पोट्र्स एकेडेमीको आयोजनामा पोखरा रंगशाला स्थित क्रिकेट मैदानमा जारी प्रतियोगिताको चौथो दिन समूह ‘बी’ तर्फका २ खेल भए ।

मंगलबारको पहिलो खेलमा हिमालयन क्रिकेट एकेडेमीले गे्रट हिमालयन क्रिकेट एकेडेमीमाथि २ विकेटको जित हाँसिल गरेको छ । १ सय ६३ रनको विजयी लक्ष्य पाएको हिमालयन क्रिकेट एकेडमीले १९.२ ओभरमा ८ विकेट गुमाउँदै १ सय ६७ रन बनाउँदै जित हासिल गर्‍यो । हिमालयनका ओपनर दीपक बोहोरा ‘बी’ ले ३३ रनको योगदान दिँदै क्याच आउट भए । उनले २९ बलमा ३ चौका र १ छक्का प्रहार गरे ।

दीपक बोहोरा १ रनमा क्याच आउट भए । खडक बोहोरा १९ मा क्याचआउट र प्रतिश जिसी १० रनमा बोल्ड भए । हिमाल दुल्याल ५ र अभिषेक बुढायर ९ रनमा आउट भए । सोनु देवकोटा ३६ रनमा नटआउट रहे । उनले २१ बलमा १ चौका र ३ छक्का प्रहार गरे । दिपेश विष्ट शून्यमै पेभिलियन फर्किए ।

प्रकाश जैसी १४ रनमा आउट हुँदा दीपक चन्द २७ रनमा नटआउट रहे । उनले १० बलमा १ चौका र ३ छक्का प्रहार गरे । ग्रेट हिमालयका लागि सन्दिप पराजुली, किरण बुढायर र इशान पाण्डेले समान २ तथा चन्द्रकान्त पौडेल र रुपेश कुमार श्रीवास्तवले १/१ विकेट लिए ।

त्यसअघि टस हारेर ब्याटिङ थालेको ग्रेट हिमालय क्रिकेट एकेडेमीले २० ओभरमा ९ विकेट गुमाउँदै १ सय ६२ रन बनायो । अभिषेक थापा ४२ रनमा नट आउट रहे । उनले ३४ बलमा ४ चौका र १ छक्का प्रहार गरे । किरण बुढामगर १ रनमा नट आउट रहे । ओपनर इशान पाण्डे १४ रनमा क्याच आउट भए । कृष कार्की १६ रनमा क्याट आउट भए । दिपेश बुढा मगर शून्यमै पेभेलियन फर्किए ।

अशोक पौडेल ३७ रन बनाउदै क्याच आउट भए । उनले २६ बलमा ४ चौका र २ छक्का प्रहार गरे । दीपक केवत १३ रनमा क्याच आउट भए । रुपेश कुमार श्रीवास्तव ८ रनमा क्याच आउट भए भने चन्द्रकान्त पौडेल ६ रनमा बोल्ड भए । सन्दीप पराजुली शून्यमा पेभेलियन फर्किए ।

हिमालय क्रिकेट एकेडेमीका लागि प्रतिश जिसी, प्रकाश जैशी, दीपक बोहोरा र सुवास खत्रीले समान २ विकेट लिए भने दीपक चन्दले १ विकेट लिए । उक्त खेलको प्लेयर अफ दी म्याच हिमालयनका दीपक चन्द घोषित भए ।

दोस्रो खेलमा गण्डकी हिरोजले चितवन क्रिकेट क्लबमाथि ४ विकेटको जित हासिल गरेको छ । १ सय ३६ रनको विजयी लक्ष्य पाएको गण्डकी हिरोजले १३.३ ओभरमा ६ विकेट गुमाउँदै १ सय ३९ रनका साथ लक्ष्य भेट्टायो । गण्डकीले उत्कृष्ट सुरुवात गरेको थियो । ओपनर सक्वि हुकले ४२ रनको योगदान दिदै क्याच आउट भए । उनले २० बलमा ६ चौका र २ छक्का प्रहार गरे ।
अर्जुन कुमालले ३७ रनको योगदान दिदैँ बोल्ड आउट भए । उनले २० बलमा ७ चौका प्रहार गरे । दीपक डुम्रे १८ रनमा बोल्ड भए । सुजन थपलिया शून्यमा एल्बी डब्लु आउट भए । वसन्त कार्की ९, अमिर गुरुङ ६ रनमा आउट भए । मिलन बोहोरा ५ र सुदीप अर्याल १ रनमा नटआउट रहे ।

चितवनका लागि दिपेश श्रेष्ठले सर्वाधिक ३ विकेट लिए पनि टोलीलाई जित दिलाउन भने सकेनन् । उनले ३ ओभरमा २५ रन खर्चेर ३ विकेट लिएका हुन् । यस्तै, किरण गुरुङ, कमल परियार र प्रतीक श्रेष्ठले समान १ विकेट लिए ।

त्यसअघि टस जितेर ब्याटिङ थालेको चितवन क्रिकेट क्लबले २० ओभरमा ९ विकेट गुमाउँदै १ सय ३५ रन बनायो । ओपनर आसुतोस घिराया १६ रनमा रनआउट भए । गोविन्द विक १२ रनमा रनआउट भए । विवेश रानामगर १६ रनमा क्याच आउट भए । प्रतीक श्रेष्ठले ३९ रन बनाउँदै क्याचआउट भए । उनले २७ बलमा ३ चौका र २ छक्का प्रहार गरे । गौतम केसी १२ रनमा एलबी डब्लु आउट भए । दिपेश श्रेष्ठ २ रनमा क्याच आउट भए ।

कमल परियार ५ रनमा क्याच आउट भए । रिजन काफ्ले ३ रनमा आउट भए भने क्रिजन गुरुङ ३ रनमा रनआउट भए । सुर्यान्सु कोइराला १७ र नरेश प्रधान शून्यमा नटआउट रहे । सुर्यान्सुले १० बलमा २ चौका र १ छक्का प्रहार गरे । गण्डकी हिरोजका लागि सुदीप अर्यालले २ तथा विपिन खत्री, कृष्ण पोडेल, नारायण जोशी, मिलन बोहोराले समान १ विकेट लिए । खेलको प्लेयर अफ दी म्याच गण्डकी हिरोजका सक्वी हुक बने ।