पोखरा ।
घाचोक–माछापुच्छ्रे पोखरा सम्पर्क समाजको प्रथम अधिवेशनबाट पुनः तोयनाथ लम्साल(बैरागी) निर्वाचित भएका छन् । समाजको शनिबार भएको अधिवेशनले यसअघिको तदर्थ कार्य समितिलाई निरन्तरता दिएको हो ।

कास्कीको माछापुच्छ्रे गाउँपालिका ३ घाचोक तथा वडा नं १ माछापुच्छ्रे जन्म घर भई हाल पोखरामा विभिन्न पेशा, व्यवसायमा आवद्ध तथा स्थायी तथा अस्थायी बसोबास गर्नेहरुले ६ महिनाअघि समाज गठन गरेका थिए ।

अधिवेशनले प्रथम उपाध्यक्षमा महेश्वर पौडेल, उपाध्यक्ष महिला चन्द्राज्यू ठकुरी, सचिव जगत गुरुङ, सहसचिव भानुभक्त पोखरेल, कोषाध्यक्ष सरिता आचार्य लम्साल र सहकोषाध्यक्ष नरबहादुर गुरुङ निर्वाचित गरेको छ ।

सदस्यमा दुर्गाबहादुर गुरुङ, ईन्द्रशोभा पौडेल, चुडामोहन लम्साल, सोमनाथ लम्साल, कृष्णप्रसाद दवाडी, भोजबहादुर नेपाली, निरु लम्साल र लेखबहादुर केसी छन् । न्यायिक समितिको संयोजकमा विष्णुप्रसाद पोखरेल तथा सदस्यमा यामबहादुर जिसी, शंकर कार्की, शिवप्रसाद पोखरेल र सुवास लम्साल चयन भए ।

मीनप्रसाद लम्साल, मीनराज लम्साल र महेश्वर पौडेल रहेको ३ सदस्सीय निर्वाचन समितिले नयाँ समिति चयनका लागि सहजीकरण गरेको थियो । कार्यक्रममा प्रतिनिधिसभा सदस्य दामोदर बैरागीले समाजले घाचोक र पोखराबीच पुलको काम गर्दै घाचोकवासीको उन्नतिका लागि काम गर्ने विश्वास व्यक्त गरे ।

सो अवसरमा गाउँपालिका अध्यक्ष मीनबहादुर गुरुङ, उपाध्यक्ष सीता अधिकारी, माछापुच्छ«े वडा नं ३ का वडाध्यक्ष हरिश्चन्द्र लम्साल, वडा नं १ का वडाध्यक्ष ईन्द्र गुरुङ लगायतले समाज गठनको थोरै समयमा समेत संस्था दर्तादेखि नै धेरै रचनात्मक कार्य गर्न समाज सफल भएको बताए ।

नवनिर्वाचित अध्यक्ष तोयनाथ बैरागीले घाचोकवासीको दुःख र सुःखमा साथमा रहने तथा घाचोकको विकासका लागि सहयोग गर्ने उद्धेश्यले समाज गठन गरिएको बताए ।