पोखरा ।
गण्डकी प्रदेशस्तरीय दोस्रो महिला टी २० क्रिकेट प्रतियोगितामा कास्की र नवलपुरले विजयी हाँसिल गरेका छन् । प्रादेशिक क्रिकेट संघ गण्डकीको आयोजनामा पोखरा रंगशालास्थित क्रिकेट मैदानमा बुधबारदेखि सुरु भएको प्रतियोगितामा कास्कीले डिफेन्डिङ च्याम्पियन स्याङ्जा र नवलपुरले पर्वतलाई हराएका हुन् ।

पहिलो खेलमा कास्कीले स्याङ्जालाई ४ रनले हराएको छ । ९६ रनको विजयी लक्ष्य पाएको स्याङ्जालाई ९१ रनमा समेट्दै कास्कीले पहिलो जित हाँसिल गरेको हो । स्याङ्जाका लागि सीमाना केसी र कुशुम गोदारले बाहेक अन्य ब्याटरले दोहोरो अंक जोड्न सकेनन् । सिमानाले ४० बलको सामना गर्दै १ चौका र १ छक्काको मद्दतमा ३१ रन बनाउँदै आउट भइन् । कुशुमले २४ बलमा १ चौका प्रहार गर्दै १७ रन जोडिन् ।

रविना बुढामगर ४ र रन्जना साउद ३ रनमा नटआउट रहिन् । आरमिना अधिकारी ६, सलिना सेन शुन्य, अपेक्षा बुढाथोकी शून्य, निरु जिटी शुन्य, ज्योत्सनिका मरासिनी १, सेरिना थापा ६, आकृति शून्यमा आउट भए । कास्कीको लागि सुशीला डिम्टुक र चन्द्रमाया बरालले समान २ तथा रचना चौधरी, यशोदा भुजेल र रिया तामाङले १/१ विकेट लिए ।

त्यसअघि, टस हारेर ब्याटिङको निम्तो पाएको कास्कीले २० ओभरमा ५ विकेट गुमाउँदै ९५ रनका बनायो । कास्कीको जितमा रेखा तामाङले ३३ रनको उत्कृष्ट पारी खेल्दै अविजित रहिन् । उनले ३७ बलमा ३ चौका प्राहर गरिन् । शिखा दवाडी १ रनमा नटआउट रहिन् ।

कास्कीकी सिर्जना पौडेलले ३५ रनको योगदान दिइन् । उनले ५७ बलमा १ चौका प्रहार गरिन् । श्रद्धा गुरुङ, चन्द्रमाया बराल समान २, रचना चौधरी शून्य, विन्दु ठकरी शून्यमा आउट भए । स्याङ्जाका लागि सीमाना केसीले ४ ओभरमा १४ रन खर्चदै सर्वाधिक ३ विकेट लिइन् । निरु जिटीले १ विकेट लिइन् ।

दोस्रो खेलमा नवलपुरले पर्वतमाथि ४६ रनको जित हाँसिल गरेको छ । ७७ रनको विजयी लक्ष्य पाएको पर्वतलाई ९.५ ओभरमा ३० रनमै अल आउट गर्दै नवलपुरले जित हाँसिल गरेको हो । पर्वतका लागि कुनै पनि ब्याटरले दाहोरो अंक जोड्न सकेनन् ।

विपिशा विक १, गरिमा केसी शून्य, सुशीला भट्टराई ३, एन्जल अधिकारी १, योगिता केसी २, जीविका क्षेत्री ३, प्रतिभा खड्का ९, कृषा अखेली शून्य, अनुशा पौडेल १ र रिजिता चापागाईँ शून्यमा आउट भइन् । नवलपुरका लागि आयुषा चापागाईँँले ३.५ ओभरमा १ मेडनसहित १० रन खर्चेर सर्वाधिक ५ विकेट लिइन् । उनी खेलको वुमन अफ दी म्याच घोषित भइन् । यस्तै पूर्णिमा सुनारले २ तथा श्रेया शर्माले १ विकेट लिइन् ।

त्यसअघि टस जितेर ब्याटिङ रोजेको नवलपुर १५.४ ओभरमा ७६ रनमा अल आउट हुन पुग्यो । नवलपुरका लागि धनकुमारी क्षेत्रीले बाहेक अन्य ब्याटरले दोहोरो अंक जोड्न सकेनन् । उनले ४८ बलमा ३ चौका प्रहार गर्दै ३२ रनको योगदान दिइन् ।

मोनिका लामिछान ३, श्रेया शर्मा शून्य, श्रेया गिरी १, आयुषा चापागाईँ शून्य, पूर्णिमा सुनार ४, यमुना पंगेनी शुन्य, वर्षा सुनार ३, निहारिका शर्मा शुन्य, लिजा गुरुङ, जीविका क्षेत्री १ रनमा आउट भइन् । पर्वतका लागि प्रतिभा खड्का र कृषा अखेलीले समान २ तथा अनुसा पौडेल, जविका क्षेत्री र सुशिलाा भट्टराईले समन १ विकेट लिए ।