राष्ट्रिय फुटबल टोलीकी कप्तान सावित्रा भण्डारी तनहुँमा सम्मानित

दमौली ।
राष्ट्रिय महिला फुटबल टोलीकी कप्तान सावित्रा भण्डारी (साम्बा) तनहुँमा सम्मानित भएकी छन् । शुक्लागण्डकी नगर उद्योग वाणिज्य संघ, वडा नम्बर ४ को वडा व्यवस्थापन समितिले तीजको अवसरमा आयोजना गरेको कार्यक्रममा उनलाई नगद ५० हजार रुपैयाँसहित सम्मान गरिएको हो ।
दुलेगौंडामा आयोजित तीज गीत प्रतियोगिताको अवसरमा कप्तान भण्डारीलाई गण्डकी प्रदेशसभा सदस्य सरिता गुरुङ र शुक्लागण्डकी नगरपालिकाका प्रमुख कृष्णराज पण्डितले दोसल्ला ओढाएर सम्मान गरेका थिए । खेलकुदको माध्यमबाट नेपाललाई विश्वमाझ चिनाउन महत्त्वपूर्ण भूमिका निर्वाह गरेको भन्दै भण्डारीलाई सम्मान गरिएको वडा व्यवस्थापन समितिका अध्यक्ष कृष्ण विकले बताए ।
सम्मान ग्रहणपछि बोल्दै कप्तान भण्डारीले जुनसुकै क्षेत्रमा कडा परिश्रम गरे सफलता प्राप्त गर्न सकिने बताइन् । गाउँमा मोजाको बल खेल्दै काठमाडौंसम्म पुगेको आफ्नो विगत स्मरण गर्दै उनले भनिन्, ‘म दाइहरुसँग फुटबल खेल्थें । जहिले पनि गाली खान्थें, पिटाइ खान्थें । मैले तत्कालीन समयमा गरेको मेहनतका कारण आज यो ठाउँमा छु ।’
कार्यक्रममा प्रदेशसभा सदस्य गुरुङले खेलकुदले सबै नेपालीलाई एकापसमा जोड्ने काम गरेको बताइन् । उनले भण्डारीले खेलकुदको माध्यमबाट नेपाललाई विश्वमाझ चिनाउन महत्त्वपूर्ण सहयोग गरेको उल्लेख गरिन् ।







पोखरा बचत सहकारीका बचतकर्तालाई उजुरी दर्ता गर्न प्रहरीको आह्वान
नागरिक समाज कास्कीले माग्यो सर्वपक्षीय राजनीतिक सम्मेलन
महायज्ञ सुरु नहुँदै मानव सेवा आश्रमलाई उल्लेख्य दाता
कोक्यापको कार्यशाला
कास्की सार्दिखोला समाज, कतारद्वारा माछापुच्छ्रे माविमा छात्रवृत्ति वितरण
दीपशिखा पुस्तकालयमा टेक एज युथ परियोजना सुरु
कास्की जिल्लाभरका जग्गामा किटानी सिफारिस बनाउनुपर्ने
चियासँगै पाकिरहेको मञ्जुको सपना
तपाईको प्रतिक्रिया