पोखरा ।
पोखराको नयाँबजारमा मंगलबार राति भएको आगजनीपछि ध्रुव थापाको घरभित्र एक महिलाको शव फेला परेको छ। नेपाल अटोमोबाइल एशोसिएसनका केन्द्रीय अध्यक्ष थापाको जलेको घरमा एक महिलाको शव फेला परेको हाे ।

गण्डकी प्रदेशका सामाजिक विकास मन्त्री तथा व्यवसायी बिन्दुकुमार थापा र उनका भाइ ध्रुव थापाका घर तथा व्यापारिक प्रतिष्ठानमा प्रदर्शनकारीले आगो लगाएका थिए। सोही क्रममा नयाँबजारस्थित ध्रुव थापाको घर भाडामा लिएर सञ्चालन गरिएको अटो शोरूम पनि जलेको थियो।

प्रहरीका अनुसार उक्त शोरूममा काम गर्ने एक महिला कर्मचारीको जलेको अवस्थामा शव फेला परेको हो।

मंगलबार राति भाटभटेनी सुपरमार्केटमा पनि आगजनी गरिएको थियो। आगलागीको घटनामा मानवीय क्षति भएको आशंका गरिएपछि प्रहरी र स्थानीयले खोजी कार्य जारी राखेका छन्।