काठमाडौँ । ओमानमा जारी आईसीसी टी–२० विश्वकप एसिया र इस्ट एसिया–प्यासिफिक छनोटको सुपर–६ चरणमा नेपालले संयुक्त अरब इमिरेट्स (यूएई) विरुद्ध रोमाञ्चक १ रनको जित दर्ता गरेको छ।

पहिले ब्याटिङ गर्दै नेपालले २० ओभरमा ६ विकेट गुमाएर १ सय ४० रनको लक्ष्य प्रस्तुत गरेको थियो। जवाफमा यूएईले पूरा २० ओभर खेल्दै ९ विकेटको क्षतिमा १३९ रन मात्रै जोड्न सक्यो।

नेपालका लागि ओपनर आशिफ शेख ले ५१ रनको अर्धशतकीय योगदान दिए भने कुशल भुर्तेल ले २८ र कप्तान रोहित पौडेल ले २० रन जोडे। अन्तिम क्षणमा बलिङतर्फ नेपालको अनुशासित प्रदर्शन निर्णायक बन्यो।

यूएईका मुहम्मद रोहिद, हैदर अली, हर्षित कौशिक, जुनैद सिद्दिकी, जाहिद अली र धुर्व परासरले समान एक–एक विकेट लिए।

यस जितसँगै नेपाल सुपर–६ चरणको शिर्ष स्थानतर्फ अग्रसर बनेको छ र विश्वकप छनोटको दौडमा बलियो स्थितिमा पुगेको छ।