पोखरा ।
डाउन टिल डस्क प्रालिको आयोजनामा कात्तिक अन्तिम साता पोखरा एन्ड्युरो साईक्लिङ रेस हुने भएको छ । पोखरा १३ आर्वाविजयमा हुन लागेको तेस्रो संस्करण साइकल रेस कात्तिक २७ देखि २९ गतेसम्म चल्नेछ ।

प्रतियोगितामा साइक्लिङको डाउनहिल एक दशमलव ६ किलोमिटरको दूरीमा नेपालसहित विभिन्न ९ देशका साईक्लिस्टले प्रतिस्पर्धा गर्ने प्रालिका प्रवन्धन निर्देशक एवं रेस निर्देशक सुनीलचन्द्र शर्माले जानकारी दिए । नेपालसहित, अस्ट्रेलिया, सिंगापुर, क्यानडा, जर्मन, अमेरिका, ओमान, जापान र श्रीलंकाका साईक्लिष्टहरुको सहभागिता हुने पक्का भएको छ । ६० साईक्लिस्टले प्रतियोगितामा भाग लिने छन् ।

६ इभेन्टमा प्रतिस्पर्धा गराईने निर्देशक शर्माले बताए । एन्ड्युरो साइक्लिङको साहसिक प्रतिस्पर्धा हो । सानो गोरेटो बाटोबाट डाडाँबाट तल झर्ने यो प्रतिस्पर्धा निकै जोखिमपूर्ण मानिन्छ । जुनियर (१२ देखि १८ वर्षसम्म), पुरुष एलिट (१९ वर्षमाथि) खुला महिला (१९ वर्षदेखि माथि), मास्टर ए पुरुष (३० देखि ३९ वर्षसम्म) मास्टर बी पुरुष (४० देखि ४९ वर्षसम्म) र भेट्रान्स पुरुष ५० वर्षमाथिको उमेर समूहमा प्रतिस्पर्धा हुने प्रालिले उल्लेख गरेको छ ।

एन्ड्युरो साइक्लिङको साहसिक प्रतिस्पर्धा हो । सानो गोरेटो हुँदै डाडाँबाट तल झर्ने यो प्रतिस्पर्धा निकै जोखिमपूर्ण मानिन्छ

३० वर्षदेखि साइक्लिङ क्षेत्रमा काम गर्दै आएका रेस निर्देशक शर्माले आर्वालाई साइक्लिङको गन्तव्य बनाउन विगत ३ वर्षदेखि प्रतिस्पर्धा आयोजना गर्दै आएको सुनाए । आर्वालाई साईक्लिङका हब बनाउने उद्देश्यसहित प्रालिले सन् २०२० देखि काम सुरु गरेको थियो । विभिन्न ६ साइक्लिङ रेसका लागि ट्रेल बनाइएको छ ।

ट्रेल बनाउन प्रालिले बर्सेनि ५ लाख खर्च गर्ने गरेको छ । पाँच वर्षको अवधिमा २५ लाख रुपैयाँ खर्च गरिएको जनाउँदै उनले निरन्तर पानीले समस्या बनाएको ट्रेल मर्मतदेखि नयाँ ट्रेल निर्माण गरिएको उल्लेख गरे । सुरक्षाका लागि १४ जनाको मेडिकल टिम तयारी अवस्थामा रहनेछ । दुई जना चिकित्सक र चार एम्बुलेन्ससहितको मेडिकल टिमले रेस्क्यु गरिने उनले जानकारी दिए । प्रतिस्पर्धीले ६ वटा ट्रेल पूरा गर्नुपर्ने हुन्छ ।

प्रतिस्पर्धामा उत्कृष्ट पाँच (प्रत्येक इभेन्टका)लाई साईक्लिङ एसोसिरिज पुरस्कार स्वरुप प्रदान गरिनेछ । उत्कृष्ट जम्प गर्ने साईक्लिस्टले ३० हजार बराबरको पुरस्कार प्रदान गरिने प्रालिले जनाएको छ । ३० हजार पुरस्कार बि एन्ड बि हस्पिटलले प्रायोजन गरेको आयोजकले जानकारी दिएको छ ।