पोखरा ।
लिटिल स्टेप माध्यमिक विद्यालय, पोखरा महानरपालिका – ८ सिमलचौरमा शैक्षिक सत्र २०८२ अन्तर्गत कक्षा ११ र १२ विज्ञान, व्यवस्थापन तथा होटल व्यवस्थापन संकायमा अध्ययनरत विद्यार्थीहरूबीच अन्तर संकाय त्रिदिवसीय खेलकुद कार्यक्रम बिहीबार आरम्भ भयो ।

तीन दिनसम्म सञ्चालन हुने खेलकुद कार्यक्रमको समुद्घाटन संस्थापक अध्यक्ष शेरबहादुर गुरुङ तथा प्राचार्य पम्फा गुरुङले संयुक्त रूपमा मन्तव्यसहित बल हस्तान्तरण गरेर शुभारम्भ गरे ।

भलिबल, बास्केटबल, टेबलटेनिस, ब्याडमिन्टन, रस्साकस्सी जस्ता खेलहरू समाविष्ट हुने उक्त खेलकुदमा प्रथम, द्वितीय तथा तृतीय स्थान हासिल गर्ने संकाय तथा विद्यार्थीहरूलाई आकर्षक पुरस्कारको व्यवस्था पनि छ ।