पोखरा ।

इंग्ल्यान्डका ओपनर ब्याट्सम्यान जेसन रोय सिद्धार्थ बैंक नेपाल प्रिमियर लिग (एनपीएल) मा पोखरा एभेन्जर्सबाट खेल्ने भएका छन् ।

शनिबार पोखरा एभेन्जर्सले सामाजिक सञ्जालमार्फत उनको अनुबन्धको जानकारी दिएको छ ।
३५ वर्षीय रोयले टी–२० क्रिकेटमा ४ सय १२ खेल खेल्दै १० हजार ५ सय ५४ रन बनाएका छन् । उनले सन् २०२२ सम्म इंग्ल्यान्डको राष्ट्रिय टोलीबाट खेलेका थिए ।

रोयसँग इन्डियन प्रिमियर लिग (आईपीएल) र बिग ब्यास लिग जस्ता प्रतिष्ठित प्रतियोगिता खेलेको अनुभव छ । पोखरा एभेन्जर्सले यसअघि नै न्युजिल्यान्डका अलराउन्डर जिमी निशम, वेस्ट इन्डिजका अलराउन्डर रेमन रेइफ, र इंग्ल्यान्डका एडम रोसिङटन तथा डान डौथवेटलाई अनुबन्ध गरिसकेको छ ।