पोखरा । पाल्पाली समाज पोखरा ९ ले शनिबार खुला रक्तदान आयोजना गरेको छ । ३२ स्थापना दिवसको सन्दर्भमा लायन्स क्लब पोखरा अटोमोबाइल टाउनसँगको सहकार्य भएको कार्यक्रममा ६३ युनिट रगत संकलन भएको समाजका अध्यक्ष श्रीधर पराजुलीले जानकारी दिए ।

‘रक्तदान जीवनदान, जीवनदान महादान’ भन्ने नाराका साथ भएको कार्यक्रमको मुख्य प्रायोजन सिटिजन फर्निचर न्युरोडले गरेको छ । स्थापना दिवसको अवसरमा समाजले शुभकामना आदानप्रदानसमेत भएको छ । कार्यक्रममा मौलिक भजन कीर्तन प्रस्तुतिका अलवा धारा प्रवाह गीत गाउने भाइरल तिवारी आमा (लक्ष्मी तिवारी)लाई सम्मान गरिएको छ । समारोहमा पुण्य परोपकार भजन किर्तन समूह पोखरा १७ बिरौटाको अर्जुन कँडेल नेतृत्वमा समूहले भजन प्रस्तुत गरेको थियो ।

कार्यक्रममा समाजका सल्लाहकार डा यज्ञमान शाक्यले रगतको स्रोत मानव शरीर भएको जानकारी दिए । उनले विदेशमा रगत दान गर्ने व्यक्तिलाई एक दिन बिदाको व्यवस्था भएको बताए । प्रादेशिक रक्त सञ्चार सेवा पोखराका इन्चार्ज अर्जुन ज्ञवालीले पोखरा आसपासको क्षेत्रमा रगत अभाव हुन नदिन हरेक नागरिकले जन्म दिनमा रक्तदान गरौं अभियान गरेको जनाए ।

कार्यक्रममा पाल्पाली बहुउद्देश्यीय सहकारी संस्थाका अध्यक्ष चिरञ्जीवी श्रेष्ठ, समाजका अध्यक्ष पराजुली, पूर्व अध्यक्षहरु नारायण पौडेल, रेशमराज थापा, समाजका संस्थापक कोषाध्यक्ष शोभाकान्त न्यौपाने, गुल्मेली समाज पोखराका अध्यक्ष कमलप्रसाद न्यौपाने, अर्घाखाँची पोखरा सम्पर्क समाजका अध्यक्ष रामप्रसाद पौडेल, समाजका वरिष्ठ उपाध्यक्ष केशव नेपाल, उपाध्यक्ष तथा कार्यक्रम संयोजक अनुपमान कर्माचार्य, सचिव पदमप्रसाद पोखरेल, लायन्स डिस्ट्रिक ३२५ एम नेपालका जोन चियरपर्सन प्रेम क्षत्री, ब्लड डोनेसन चिफ रजनी कोइराला, क्लबका क्लष्टर २का चिफ लक्ष्मी कोइराला लगायतले रक्तदान कार्यक्रमको महत्वबारे बोलेका थिए ।