पोखरा

अग्रज पत्रकार एवं समाजवादी प्रेस संगठन नेपाल कास्कीका अध्यक्ष रुद्रबहादुर थापालाई पत्नीशोक परेको छ । थापाकी पत्नी राममाया थापामगरको सोमबार निधन भएको हो । क्यान्सर रोगको उपचारकै क्रममा पोखराकै फिस्टेल अस्पतालमा निधन भएको हो ।

अहिले राममायाको शव पोखराकै पुरानो एअरपोर्ट नजिकै घरमा राखिएको छ । छोराछोरी विदेशमा रहेकाले उनीहरु आएपछि अन्तिम संस्कार गरिने भएको छ ।

६३ वर्षीया थापामगरको असामयिक निधन प्रति पत्रकारका विभिन्न संघ संस्थाले दुख व्यक्त गरेका छन् । संगठनहरुले शोक सन्देश जारी गर्दै दिवंगत आत्माको चिरशान्तिको कामनासहित शोकाकुल परिवारजनमा समवेदना प्रकट गरेका छन् ।