पोखरा । पोखरा १३ आर्वा स्थित आदर्श अर्गानिक कृषक समूहको अध्यक्षमा शिवप्रसाद बराल निर्वाचित भएका छन् । समूहको शनिबार भएको तेस्रो अधिवेशनले सर्वसम्मत नयाँ समिति चुनेको हो ।

उपाध्यक्ष सीता ढुंगाना सिग्देल, सचिव राजनकुमार सिग्देल, सहसचिव मदन बराल र कोषाध्यक्षमा श्रीराम बराल छन् ।

कार्यसमिति सदस्यमा रुद्रनाथ बराल, शंकरबहादुर बराल, सीता परियार र लक्ष्मी पौडेल छन् । श्रीराम सिग्देलको संयोजकत्वमा नरबहादुर बराल, ऋषिराम सिग्देल, लक्ष्मी देवकोटा तथा विष्णुप्रसाद बराल सदस्य रहेको निर्वाचन समितिले सर्वसम्मत नयाँ नेतृत्व चुन्न सहजीकरण गरेको हो ।

सभामा समूहका संस्थापक अध्यक्ष कृष्णप्रसाद सिग्देलले कृषक समूहले गरेका गतिविधि तथा कृषि उत्पादनमा निभाएको भूमिका उल्लेखनीय भएको बताए । कृषि व्यवसायमा लागेर पनि अब बाँच्न सकिने अवस्था आएको भन्दै उनले स्थानीय सरकार र समाजका सरोकारवालाले यो क्षेत्रलाई साथ दिनुपर्नेमा जोड दिए ।

समूहका सल्लाहकार श्रीराम सिग्देलले समयानुकूल कृषिमा प्रविधिसँगै उपकरणको प्रयोग गर्दै उत्पादनमा जोड दिनुपर्ने विचार राखे । उनले कृषि व्यवसायलाई आत्मनिर्भर बनाउन कृषक र उत्पादन बढ्नुपर्नेमा जोड दिए । समूहका अध्यक्ष शिवप्रसाद बरालले आर्वा तरकारीको पकेट क्षेत्र भएको जनाउँदै कृषि उत्पादन गरी कृषकलाई आत्मनिर्भर बनाउन लाग्नुपर्ने विचार राखे ।

कार्यक्रममा जागरण आमा समूहकी अध्यक्ष लक्ष्मी देवकोटा, समाजसेवी नरबहादुर बराल, सल्लाहकारहरु ऋषिराम सिग्देल, श्रीकान्त सिग्देल, विष्णुप्रसाद बराल, समूहकी उपाध्यक्ष सीता ढुंगाना सिग्देल, सचिव राजनकुमार सिग्देल लगायतले बोलेका थ्एि ।