पोखरा । नेसनल प्याब्सन कास्कीका पूर्व अध्यक्ष रामप्रसाद शर्माको ८० वर्षकाे उमेरमा मंगलबार निधन भएको छ । २०६१ साल देखि २०७० साल सम्म नेसनल प्याब्सन कास्कीको अध्यक्ष पदमा रहेर काम गरेका शर्माको निधन प्रति संस्थाले दुःख व्यक्त गरेको छ ।

एन प्याब्सन कास्कीले विज्ञप्ति जारी गरी शर्माको निधनले संस्थालाई अपुरणीय क्षति पुर्‍याएको जनाएको छ। शर्माको परिवारमा श्रीमती, २ छोरा र ३ छोरी छन् ।

‘उहाँको निधनले नेसनल प्याब्सन कास्कीलाई मात्र नभइ समग्र देसलाई नै अपुरणीय क्षति पुगेको र एक होनहार शैक्षिक अभिभावक गुमाएको महसुस भएको छ’ विज्ञप्तिमा भनिएको छ, ‘यस दुःखद क्षणमा ब्रम्ह्लिन आत्माको चिरशान्तिको कामना गर्दै भावपूर्ण श्रद्धाञ्जली अर्पण सहित बैकुण्ठबासको प्रार्थना गर्दछौँ ।’

शर्माको सम्झनामा संस्थामा आवद्ध सम्पूर्ण सदस्य विद्यालयहरुमा बुधबार शोक सभा गर्ने नेसनल प्याब्सन कास्कीका अध्यक्ष अधिकारीले जानकारी दिए । पाँचौ दिनको पुण्यतिथिमा २६ गते स्वं शर्माको निवासमा उपस्थित भई संस्थाले शोक सभा गर्ने भएको छ ।