काठमाडौं । गोदरेज नेपालले भारतको मुम्बईस्थित वानखेडे स्टेडियममा हुने टिट्वान्टी विश्वकप अन्तर्गत नेपालको खेल प्रत्यक्ष हेर्न पाउने विजेता सार्वजनिक गरेको छ । योजनाको पहिलो चरणको विजेताका रूपमा काठमाडौं टोखाकी लुना ज्ञवाली छनोट भएकी छन् ।

उपभोक्तालाई घरायसी जीवनसँगै अन्तर्राष्ट्रिय खेलकुदको रोमाञ्चसँग जोड्ने उद्देश्यले गोदरेज नेपालले गत २९ मंसिरदेखि देशभर यो अभियान लागु गरेको थियो ।

सोही विशेष क्याम्पेनअन्तर्गत पहिलो चरणका भाग्यशाली विजेता छनोट गरिएको कम्पनीले जनाएको छ । कम्पनीका अनुसार ज्ञवालीले गोदरेजको आधिकारिक बिक्रेता खडादेवी इलेक्ट्रोनिक्सबाट गोदरेजको वासिङ मेसिन खरिद गरी योजनामा सहभागिता जनाएकी थिइन् ।

छनोट भएकी विजेता ज्ञवालीले ४ रात ५ दिनको मुम्बई यात्रासहित वानखेडे स्टेडियममा नेपाली राष्ट्रिय क्रिकेट टोलीको खेल प्रत्यक्ष हेर्ने अवसर पाउनेछिन् । यो प्याकेजमा हवाई टिकट, होटल बसाइ, म्याच टिकट तथा अन्य आवश्यक सम्पूर्ण खर्च गोदरेज नेपालले नै व्यहोर्ने जानकारी दिएको छ ।

सीमित अवधिका लागि नेपालभर लागू गरिएको यस योजनामा अझै पनि एसएमएसमार्फत सहभागी भई विजेता बन्ने अवसर बाँकी रहेको गोदरेज नेपालले जनाएको छ । कम्पनीले उपभोक्तालाई नजिकको आधिकारिक बिक्रेताबाट गोदरेजका उत्पादन खरिद गरी योजनामा सहभागी हुन आग्रह गरेको छ ।

क्याम्पेनमा सहभागी हुन गोदरेजका कुनै पनि आधिकारिक उत्पादन खरिद गरी ३१००३ मा एसएमएस पठाउनुपर्ने व्यवस्था गरिएको छ । यसका लागि मोबाइलको म्यासेज बक्समा अंग्रेजीमा ’गोदरेज’ स्पेस ‘वारेन्टी कार्ड नम्बर’ स्पेस ‘प्रडक्टको नाम’ स्पेस ‘ग्राहकको नाम’ स्पेस ‘ठेगाना’ टाइप गरी ३१००३ मा पठाउनुपर्ने कम्पनीले बताएको छ ।