पोखरा । महिला उद्यमी संघ नेपाल कास्कीको अध्यक्षमा एलिना बराल सर्वसम्मत निर्वाचित भएकी छन् । पोखरामा बुधबार सम्पन्न संघको दशौं साधारण सभा तथा छैटौं अधिवेशनले बरालको नेतृत्वमा नयाँ कार्यसमिति चयन गरेको हो । अध्यक्षमा निर्वाचित बराल यसअघि कार्यसमितिको प्रथम उपाध्यक्ष थिइन् ।

अधिवेशनबाट संघको प्रथम उपाध्यक्षमा बालकुमारी गुरुङ र द्वितीय उपाध्यक्षमा रुपा गुरुङ चयन भएका छन् । त्यस्तै, महासचिवमा वसन्ती खत्री र कोषाध्यक्षमा जमुना पराजुलीले जिम्मेवारी पाएका छन् ।

कार्यसमितिको सदस्यमा ऋतु घले र लक्ष्मी अधिकारी बास्तोला चयन भएका छन् । कार्यसमितिमा थप दुई जना सदस्य पछि मनोनीत गरिने निवर्तमान अध्यक्ष शारदा बराल (सरु) ले जानकारी दिइन् ।