पोखरा । पोखराको बाटुलेचौरमा रहेको गाउँ विकास समाज सहकारी संस्था लिमिटेडको अध्यक्षमा योगेन्द्रबहादुर बस्नेत चयन भएका छन् । सहकारीको शनिबार भएको १३ औं अधिवेशनले बस्नेतको अध्यक्षतामा ९ सदस्यीय सञ्चालक समिति चयन गरेको हो ।

उपाध्यक्षमा बलबहादुर थापा, सचिव लक्ष्मी देवकोटा, कोषाध्यक्ष कुलबहादुर खत्री र सदस्यमा मनु बस्नेत, जगतबहादुर कार्की, शिवशोभा खड्का, दिलबहादुर बानियाँ र रामजी जिसी चयन भए । लेखा समिति संयोजकमा सुशील थापा र ऋण समिति संयोजकमा गोविन्दबहादुर थापा छन् ।

संयोजक चित्रबहादुर थापा, सदस्य सुशील बस्नेत र प्रकाश थापाको निर्वाचन समितिले सञ्चालक समिति चयन गरेको हो । सहकारीले उत्कृष्ट दैनिक बचतकर्ता यज्ञबहादुर बस्नेत, मासिक बचतकर्ता बाबुराम श्रेष्ठ र उत्कृष्ट कारोबारी अनिता गुरुङ सम्मानित भए ।सहकारीका सल्लाहकार दुर्गालाल श्रेष्ठ, सल्लाहकार दुर्गा केसी थापा, निर्वाचन समितिका संयोजक चित्रबहादुर थापा लगायतले उनीहरुलाई सम्मान गरे ।

संस्थाका अध्यक्ष कर्णबहादुर खड्काको अध्यक्षतामा भएको कार्यक्रममा समाजसेवी चित्रबहादुर थापा, मनु बस्नेत, उपाध्यक्ष सुशील बस्नेत, सचिव योगेन्द्रबहादुर बस्नेत लगायतले बोलेका थिए ।