पोखरा । स्याङ्जाको फेदीखोला गाउँपालिका –१ स्थित अमोर सेवा नेपालद्वारा सञ्चालित बालगृहलाई सामाजिक विकास कार्यालय स्याङ्जाले ५ लाख रुपैयाँ अनुदान दिने भएको छ ।

सामाजिक विकास कार्यालय स्याङ्जाका कार्यालय प्रमुख जीवन पौडेल र बालगृह सञ्चालक कमला पराजुलीबिच आर्थिक वर्ष २०८१–८२ मा उक्त रकम लिनेदिने सम्झौता भएको छ । अनुदान रकम बालगृहमा बालबालिकाको विकास र उनीहरुको शिक्षा, खाद्यान्न, कपडा, स्वास्थ्यलगायत बालगृहको सुधारका लागि खर्च गरिने छ ।

सञ्चालक पराजुलीका अनुसार २०६८ सालमा स्थापना भएको बालगृहमा २०७२ बाट ७ जना अभिभावकविहीन बालबालिका राखेर अभियान थालिएको हाल ३७ जना बालबलिका बस्दैआएका छन् ।