पोखरा । नेपाल विज्ञान शिक्षक समाज गण्डकी अध्यक्षमा सुजन लम्साल निर्वाचित भएका छन् । समाजको शनिबार पोखरामा भएको प्रथम साधारण सभा तथा अधिवेशनबाट कास्कीका लम्साल अध्यक्षमा निर्वाचित भएका हुन् । उनी गण्डकी बोर्डिङका शिक्षक हुन् ।

उपाध्यक्षामा तनहुँकी कमला पोखरेल र बागलुङका चन्द्रबहादुर खड्का निर्वाचित हुँदा कास्कीका सुदीप आचार्यले सचिवको जिम्मेवारी पाए । सहसचिवमा नवलपुरका नरेश लोहार, कोषाध्यक्षमा तनहुँका संगम आचार्य र सहकोषाध्यक्षमा पर्वतका यामनारायण चापागाईं निर्वाचित भए । सदस्यमा महादेव पौडेल, मिलन सुवेदी, किरण पौडेल, सुदर्शन रेग्मी, कमला पौडेल शर्मा, नारायणप्रसाद पोखरेल, सदस्य भूगोल गोरखा, कमलबहादुर बुढाथोकी, गिरी सिंह शेरचन, दिना अधिकारी चयन भए ।

लेखा समिति संयोजकमा विष्णुप्रसाद न्यौपाने, सदस्यमा अरूणकुमार उपाध्याय र केन्द्रीय प्रतिनिधिमा राजकुमार ढकाल चयन भएका छन् ।