पोखरा ।
जुत्ता व्यवसायी संघ कास्की र मणिपाल शिक्षण अस्पतालबीच एक समझदारीपत्रमा हस्ताक्षर भएको छ । यस सम्झौताअनुसार, संघका सदस्यहरूले अस्पतालका विभिन्न स्वास्थ्य सेवामा विशेष छुट प्राप्त गर्ने भएका छन् ।

उक्त समझदारीपत्रमा संघका अध्यक्ष हेमकृष्ण श्रेष्ठ र अस्पतालका प्रमुख कार्यकारी अधिकृत अनिल ओडुविलले हस्ताक्षर गरेका हुन् । यस सम्झौताअनुसार अस्पतालले जुत्ता व्यवसायी संघ कास्कीका सदस्यहरूलाई न्यूनतम १० प्रतिशतदेखि १०० प्रतिशतसम्मको छुट प्रदान गर्नेछ ।

छुट प्राप्त गर्नका लागि सेवाग्राहीले अस्पतालमा आउँदा जुत्ता व्यवसायी संघ कास्कीको सदस्यता परिचयपत्र देखाउनुपर्नेछ । अस्पतालमा दर्ता शुल्कमा १०० प्रतिशत, सामान्य शड्ढया शुल्कमा २५ प्रतिशत, नियमित जाँचमा १५ प्रतिशत र शल्यक्रिया तथा विशेष परीक्षण शुल्कमा १० प्रतिशत छुट पाउनेछन् । सदस्यहरूलाई डाक्टरको परामर्शमा कुनै शुल्क लाग्ने छैन ।