पोखरा ।
पोखरा महानगरपालिका वडा नं. १७ छोरेपाटनमा रहेको मानव सेवा आश्रममा आश्रित ९२ जनालाई मंगलबार भोजन दान गरिएको छ ।

छोरेपाटन माविका पूर्वविद्यार्थीहरु राजकुमार गुरुङ (भरत), राजेन्द्र गुरुङ, विनम गुरुङ, कविता गुरुङ, एलिसा गुरुङ र उनीहरुका परिवारले भोजनका लागि सहयोग गरेको कार्यक्रम संयोजक मञ्चका उपाध्यक्ष हिमलाल उपाध्यायले बताए ।

सो अवसरमा मञ्चका अध्यक्ष कृष्ण रानाभाट, कोषाध्यक्ष कविता गुरुङ, नेपाल पत्रकार महासंघ गण्डकी प्रदेश सदस्य ज्योति हमाल, डेभिजफल क्लबका अध्यक्ष विनम गुरुङ लगायतले बोलेका थिए ।