पोखरा । अनेसास पोर्चुगल च्याप्टरका महासचिव कवि तथा गलजकार एनबी अञ्जानको एकल साँझमा पोखरेली रमेका छन् । भूपी जयन्तीको अवसरमा गणेशबाबु अधिकारीको रेचा उपन्यास परिचर्चा र शुलभ घिमिरेको गजल गायनसहित भएको एकल गजल गुञ्जनमा उनले रोज्जा रचना सुनाए ।

कार्यक्रमको चाँजोपाँजो भने अन्तर्राष्ट्रिय नेपाली साहित्य समाज (अनेसास) गण्डकी समितिले मिलाएको हो । कार्यक्रममा नेपाल संगीत तथा नाट्य प्रज्ञा प्रतिष्ठानका पूर्व कुलपति वरिष्ठ साहित्यकार सरुभक्तले पछिल्लो पुस्ताका प्रतिभाको प्रस्तुतिबाट ग्रहणयोग्य धेरै कुरा सिक्नुपर्ने बताए ।

गायिका हरिदेवी कोइरालाले संस्कृति र प्रकृतिको राजधानी पोखरामा साहित्य, कला र संगीतको श्रीवृद्धिमा यस्ता कार्यक्रमको महत्वपूर्ण भूमिका रहने धारणा राखिन् । कार्यक्रममा अनेसास केन्द्रीय सल्लाहकार सुमलकुमार गुरुङ, पोखरा प्रज्ञा प्रतिष्ठानका कुलपति पद्मराज ढकाल, सिर्जनशील लोकतान्त्रिक प्रतिष्ठानका अध्यक्ष सुरज पौडेल, उपन्यासकार गणेशबाबु अधिकारी र असफल गौतम, अनेसास गण्डकी उपाध्यक्ष दुर्गा न्यौपाने र गजलकार बाबु त्रिपाठीले बोलको थिए । कार्यक्रमको अध्यक्षता देवेन्द्र केसीले गरेका थिए ।