पोखरा । बन्दीपुर मिलन समाज पोखराको अध्यक्षमा मञ्जु मकाजु श्रेष्ठ चुनिएकी छन् । शनिबार भएको तेस्रो साधारण सभा तथा दोस्रो अधिवेशनले मञ्जुलाई सर्वसम्मत अध्यक्ष चयन गरेको हो ।

उपाध्यक्षमा उमेश प्रधान, सचिव यामबहादुर गुरुड, कोषाध्यक्ष अर्जना प्रधान र सहसचिवमा कुन्ती देवी परियार निर्वाचित भए । सदस्यमा मंगला सुनार, धनजीत गुरुड, रामकृष्ण भण्डारी र सुरज श्रेष्ठ छन् ।

कार्यक्रममा समाजका संरक्षक योगेन्द्र प्रधानले पोखरामा नै बन्दिपुरेबिच भेटघाट गर्न पाउँदा विशेष आनन्द हुने बताए । उनले संस्थामा आवश्यकता अनुसारको सहयोग दिल खोलेर गर्ने प्रतिवद्धतासमेत गरे ।

समाजका नवनिर्वाचित अध्यक्ष मञ्जुले समाजका सदस्यको हकहितका अलवा सामाजिक काम गर्दै अघि बढ्ने प्रतिवद्धता गरिन् । समाजका अध्यक्ष शंकर श्रेष्ठको अध्यक्षयतामा भएको कार्यक्रममा सचिव प्रकाश भण्डारीले पनि बोलेका थिए ।
कार्यक्रममा समाजका सल्लाहकारद्वय डा सुमनलाल श्रेष्ठ र डा भोला श्रेष्ठलाई सम्मान गरिएको छ । सभामा कोषाध्यक्ष अर्चना प्रधानले समाजमा १२ लाखको अक्षयकोष भएको जनाउँदै अक्षयकोषमा सहयोग गर्न आग्रह गरिन् ।