पोखरा ।

शुभ सिद्धार्थ बचत तथा ऋण सहकारी संस्थाको १७ औं वार्षिक साधारण सभा शनिबार भएको छ । साधारण सभाबाट सहकारीका अध्यक्ष विनोदप्रसाद श्रेष्ठले प्रस्तुत गरेको प्रगति प्रतिवेदन, कोषाध्यक्ष उमाकुमारी ठकुरीले प्रस्तुत गरेको आर्थिक प्रतिवेदन, अनुमानित आय व्यय विवरण पारित भएको छ ।

लेखा सुपरिवेक्षण समितिका संयोजक सोमत लिगलले प्रस्तुत गरेको लेखा सुपरिवेक्षण समितिको प्रतिवेदन र लाभांश वितरण अनुमोदन प्रस्तावमा छलफल गरी साधारण सभाले पारित गरेको छ ।

उक्त साधारण सभामा सेयरधनी सदस्य रामप्रसाद श्रेष्ठ, ज्ञानेश्वरराज श्रेष्ठ, पार्वती श्रेष्ठ माकाजु र सुशीलकुमार श्रेष्ठले उक्त प्रतिवेदनमा जिज्ञासा राखी छलफलमा सहभागी भएका थिए ।

सो अवसरमा शुभकामना मन्तव्य सल्लाहकार एवं सिद्धार्थ क्लबका अध्यक्ष देवेन्द्र पराजुलीले राखेका थिए । उपाध्यक्ष गणेशलाल श्रेष्ठले स्वागत मन्तव्य राखेको उक्त कार्यक्रमको सञ्चालन सचिव सचिन श्रेष्ठले गरेका थिए ।