लेखनाथ ।
धादिङ जिल्लाबाट विभिन्न पेशा, व्यवसायको सिलसिलामा पोखराको लेखनाथ क्षेत्रमा बसोबास गर्नेहरुको साझा संस्था धादिङ पोखरा लेखनाथ कल्याणकारी समाजको चौथो अधिवेशनले प्रेम दवाडीको अध्यक्षतामा नयाँ नेतृत्व चयन गरेको छ ।

समाजको शनिबार भएको आठौं वार्षिक साधारण सभा तथा अधिवेशनले वरिष्ठ उपाध्यक्षमा मिस्टर रोक्का, उपाध्यक्ष हरि दवाडी, महासचिवमा दुर्गा दवाडी, सचिवमा संगीता रानामगर, कोषाध्यक्षमा किरण नेपाली र सहकोषाध्यक्षमा मंगल दवाडी छन् ।

समितिका सदस्यमा दिनेश ढकाल, फूलमाया नेपाली र शम्भु गैरे छन् । सभामा पोखरा २६ का वडा सदस्य तीर्थबहादुर राजभाटले सामूहिक रुपमा काम गर्नु नै संस्थाहरुको शक्ति भएको बताए ।

समाजका अध्यक्ष बुद्धराज बस्यालको अध्यक्षतामा भएको कार्यक्रममा धादिङ पोखरा सम्पर्क समाजका अध्यक्ष सरस्वती श्रेष्ठ, संस्थापक अध्यक्ष तेजबहादुर बस्याल, समाजका परिकल्पनाकार गोपाल नेपाली, रामचन्द्र सेडाई, पत्रकार कविराज खनाल लगायतले बोलेका थिए ।