पोखरा । माधवकुमार नेपाल नेतृत्वको नेकपा एकीकृत समाजवादी पार्टीसम्बद्ध पत्रकारहरुको संस्था प्रेस संगठन नेपालका अध्यक्ष विश्वमणि सुवेदीसहित पदाधिकारीकझ टोली नेकपा एमालेनिकट प्रेस चौतारी नेपालमा प्रवेश गरेको छ।

समाजवादी प्रेस संगठनको २०८० जेठमा सम्पन्न महाधिवेशनबाट सुवेदी अध्यक्षमा निर्वाचित भएका थिए ।

२०७७ पुस ५ मा संसद विघटन भएपछि तत्कालीन नेकपासम्बद्ध प्रेस संगठनमा प्रचण्ड – समूह अन्तर्गत प्रेस चौतारी पृष्ठभूमिका पत्रकारको नेतृत्व सुवेदीले गरेका थिए । पार्टी विभाजन भएपछि प्रेस चौतारीको उक्त समूहले समाजवादी प्रेस संगठन स्थापना गरेको थियो ।

सुवेदीसँगै संगठनका उपाध्यक्ष सविन शर्मा, महासचिव रामकुमार एलन, सचिव नेपोलियन चेपाङ, कोषाध्यक्ष कृपा भण्डारी, केन्द्रीय सदस्यहरू आशिष गुरागाईं, सौगात मिश्र, नरेन्द्र विष्ट पनि प्रेस चौतारीमा प्रवेश गरेका छन् ।

अध्यक्ष सुवेदी प्रेस चौतारीमा केन्द्रीय सदस्य, कोषाध्यक्ष र उपाध्यक्ष भइसकेका हुन् ।