पोखरा ।
अञ्जुली आवासीय माध्यमिक विद्यालय टुँडिखेलमा प्रजातन्त्र दिवसको अवसर पारेर पुरस्कार वितरण समारोह भएको छ । कार्यक्रममा सांस्कृतिक प्रस्तुति, टेक्वान्डो प्रदर्शन, जिम्नास्टिक, संस्कृत वाचन तथा वार्षिक खेलकुद पुरस्कार वितरण कार्यक्रमसहित उत्कृष्ट शैक्षिक उपलब्धि हासिल गर्ने विद्यार्थीहरूलाई सम्मान गरिएको थियो ।

विद्यालयका संस्कृत गुरु परमेश्वर पौडेलले संस्कृत भाषाको विकासमा जोड दिँदै कार्यक्रममा संस्कृत कविता वाचन गरेका थिए । विद्यालयका निर्देशक राजु केसीले किताबको शिक्षा मात्र नभई विद्यार्थीहरुको नैतिक शिक्षा र खेलकुदको विकास आवश्यक रहेको बताएका थिए ।

कार्यक्रममा अञ्जुली आवासीय माविले विद्यार्थीहरुको समग्र विकास गरेको देखेर एनप्याब्सन कास्कीका अध्यक्ष हेमन्त अधिकारीले विद्यालयप्रति कृतज्ञता व्यक्त गरे । कार्यक्रममा विभिन्न विधामा गरी ४०० विद्यार्थी पुरस्कृत भए भने ३०० विद्यार्थीले मेडल र १०० विद्यार्थीले ट्रफी प्राप्त गरे ।

राजु कायस्थ ले टेक्वान्डो र जिम्नास्टिक प्रदर्शनले विद्यार्थी र विद्यालयप्रति आभार व्यक्त गरे । विद्यालयका प्रधानाध्यापक सुनीता कुँवर केसीको अध्यक्षतामा सम्पन्न कार्यक्रम सञ्चालन विद्यालयका शिक्षक सूर्य प्रकाश पौडेलले गरेका थिए । एन प्याब्सन कास्कीका कार्यसमिति सदस्य राजु कायस्थ, विद्यालयका शिक्षक गोविन्द पौडेल, विद्यार्थी प्रतिनिधिहरु दृश्या पौडेल र कृतिका तिमिल्सिनाले पनि मन्तव्य व्यक्त गरेका थिए ।