पोखरा ।

पोखरामा जारी यु १६ गण्डकी प्रदेश छनोट क्रिकेट प्रतियोगितामा सुप्रिम सुनारले अर्धशतकीय पारी खेलेपछि तनहुँले बागलुङलाई ४ विकेटले पराजित गरेको छ । वर्षातले प्रभावित खेलमा टस जितेर ब्याटिङ गरेको बाग्लुङले निर्धारित १५ ओभरमा ६ विकेट गुमाएर १ सय ३ रनको योगफल तयार पारेको थियो ।

बागलुङका रमित कँडेलले ३४ तथा अतित नेपालीले २२ रन हाने । तनहुँका बलरहरु बरदान यादव, सौरभ कुशवाह, अंकति झा, शुभम पौडेल र सुप्रिम सुनार सबैले १ विकेट लिए । जितका लागि १ सय ४ रन पछ्याएको तनहुँले १३.४ ओभरमा ६ विकेटको नोक्सानीमा जित हाँसिल ग¥यो । प्लेयर अफ द म्याचसमेत बनेका सुप्रिम सुनारले ४० बलमा १ छक्का र ७ चौका प्रहार गर्दै ५५ रनको पारी खेले । अंकित झाले १३ रन जोडे ।

बागलुङको बलिङमा सचिन परियारले २ विकेट लिँदा अविनास श्रफ, रमित कँडेल, कृष केसी र आर्यसिद्धी सापकोटाले १/१ विकेट लिए । वर्षाका कारण खेल ढिलो सुरु हुँदा ३५ ओभरको खेल १५ ओभरमा झारिएको थियो । जितसँगै समूह ‘ए’बाट तनहुँले पनि २ अंक जोडेको छ ।