पोखरा ।

गणतन्त्र दिवसका अवसरमा प्रदेश खेलकुद परिषद गण्डकीले निजामती कर्मचारीहरुबीच ब्याडमिन्टन प्रतियोगिता गरेको छ । मंगलबार पुरुषतर्फ डबल्स र महिलातर्फ सिंगल खेल भएको हो ।

प्रतियोगितामा पुरुषतर्फ मुख्यमन्त्री तथा मन्त्रिपरिषद्को कार्यालयका शाखा अधिकृत प्रदीपचन्द्र सुवेदी र लेखा अधिकृत महेन्द्रकुमार राईको टिम प्रथम भएको छ । यसैगरी मुख्यमन्त्री कार्यालयकै अर्जुनसिंह गिरी र महेश थापाको टोली द्वित्तीय र कृषि तथा भूमि व्यवस्था मन्त्रालयका रामकृष्ण अर्याल र सन्दीप लामिछानेको टोली तृतीय भएको छ ।

महिलातर्फ यातायात व्यवस्था कार्यालयकी समिना पुन प्रथम, जिल्ला खेलकुद समितिकी माया गुरुङ द्वित्तीय, कृषि मन्त्रालयकी सविना चौधरी र मुख्यमन्त्री कार्यालयकी आरती गिरी तृतीय भएका छन् ।

पुरुषतर्फ ८ टिम र महिलातर्फ ६ जनाले प्रतियाेगितामा भाग लिएका थिए ।

विजयी खेलाडीहरुलाई गणतन्त्र दिवसका दिन हुने मुल समारोहमा पुरस्कार प्रदान गरिने परिषद्ले जनाएको छ ।