पञ्चराम गुरुङ
पूर्वसामाजिक मन्त्री
यो देशका पुराना पार्टीहरु, अनुभवी पार्टीहरू भनेर चाहिँ घमण्ड गर्ने दुई ठूला दल मिल्दै गर्दा पनि देशमा जुन निराशा छाइरहेको छ अहिलेसम्म, ती निराशालाई आशामा बदल्छ र अहिलेको बजेट पक्कै पनि एउटा देशको भविष्य निर्माणको निमित्त प्रमुख रोल खेल्ने गरी बजेट ल्याउछ जस्तो लागेको थियो ।

तर त्यो आशा र अपेक्षा अनुसारको यो बजट आएको छ जस्तो मलाई लाग्दैन । यसले एउटा कर्मकाण्ड पूरा गर्ने काम गरेको जस्तो मैले देखेको छु । किनभने हामीले सोचेका थियौँ पक्कै पनि एउटा गुरुयोजनाको आधारमा बजेट ल्याउनका लागि त्यसरी नै सुझाव दिएका थियौं ।

योजना बैंक अन्तर्गत नै हामीले काम गर्नुपर्छ तर टुक्रे बजेट वा वितरणमुखी बजेट चुनावी भोटिङ बजेट जस्तो गर्नु हुँदैन केही फरक भएर गर्नुपर्छ । निकास दिनका लागि हामीले नै प्रयास गरेर जानुपर्छ भनेर हामीले सुझाव दिएका थियौँ । तर ती सुझाव एउटा कानले सुन्ने अर्को कानले उडाउने जस्तो भएको छ ।

विशेष गरी बजेटमा पूर्वाधार तयार पार्ने र देशलाई अग्रगमनतिर लैजान बजेटले प्रमुख भूमिका खेलेको हुन्छ । तर,सधैं मागेको बजेटले विकासका काम गर्दा धेरै समस्या आउन सक्छ । त्यसैले प्रदेशले पनि राजस्व वृद्धि र आम्दानीका स्रोतका लागि छुट्टै किसिमको मास्टरप्लान बनाएर जानुपर्छ भनेर सुझाव दिएका थियौं । तर, ती कुरा बजेटमा देखिएन ।