रेशमबहादुर जुग्जाली
पूर्वभौतिक मन्त्री
बजेटको समग्र विषय हेर्न बाँकी छ । रेडबुक आइसकेपछि काँ–काँ, कस्तो छ भनेर हेरेपछि समग्र कुरा थाहा हुने हो । यस्सो प्याटर्न हेर्दा चाहिँ नीति कार्यक्रमलाई बजेटले थोरै थोरै टच त गर्न खोजेको छ । तर, जे छ, त्यो चाहिँ विगतको जस्तै छ । खास नयाँपन देखिएन । दुई तिहाइको बलियो सरकार भएका बेला गेम चेन्जर खालका रोजगारी सिर्जना गर्ने, राजस्व वृद्धि गर्ने खालको बजेट देखिन्न ।

अहिलेसम्मको बजेट हेर्दा बढ्नुपर्ने ठाउँमा घट्दो क्रममा छ । यो चिन्ताजनक विषय हो । कम्तीमा पनि भएका स्रोत, साधन प्रयोग गरी राजस्वको दायरा बढाएर अघि बढ्नुपथ्र्यो । आन्तरिक ऋण लिने कानुन नबनेको अवस्थामा अहिले पनि झण्डै डेढ अर्ब आन्तरिक ऋणको कुरा छ । ५ अर्बभन्दा बढी आन्तरिक राजस्व संकलन गर्ने भनिए पनि ३ अर्बभन्दा संकलन भएकै छैन । यहाँ बजेट अल्मलिएको छ ।

राजस्व बढाउने, प्रदेशलाई आत्मनिर्भर बनाउने र रोजगारी सिर्जना हुने खालका कार्यक्रम ल्याउने विषयमा ध्यान दिनुपर्ने थियो । तर, बजेट त्यस्तो देखिएन । हामीले हेर्दा के देखिन्छ भने जो दायित्व सिर्जना भएका बहुवर्षे आयोजनाहरु छन्, त्यो गत वर्षको बजेटमा पनि अलपत्र पार्ने गरी आयो । विषयगत मन्त्रालयमा आएपछि यसका फिगर अझै राम्रोसँग देखिन्छ । तर, अहिले वितरणमुखी र कार्यकर्ता खुसी पार्ने खालको हो कि भन्ने देखिन्छ ।