समाधान संवाददाता, पाेखरा

लायन्स क्लब अफ पोखरा अञ्जुली र लायन्स क्लब पोखरा अन्नपूर्णको संयुक्त आयोजनामा इन्द्रराज्य लक्ष्मी उच्च मावि लामाचौरा पोखरा १६ मा १० हजार लिटरको खानेपानी टंकी शिलान्यास भएको छ । यसका लागि केन्ड्रोन स्टेट माध्यामिक विद्यालय अस्ट्रेलियाले सहयोग गरेको छ ।

अस्ट्रेलियाबाट आएका १७ विद्यार्थीले ४ दिन खानेपानी टंकी निर्माणमा श्रमदान गर्ने छन् । विद्यार्थीलाई स्वागत गर्दै प्रधानाध्यापक केशवप्रसाद अम्गाईले ७ समुद्र पारका विद्यार्थीले आफ्नो विद्यालयमा श्रमदान गरी खानेपानी टंकी निर्माणमा सहयोग गरेका छन् ।

लायन्स अञ्जुली अध्यक्ष कल्पना आचार्यले लायन्स अन्नपूर्णसँग हातेमालो गरी काम गर्ने पाएकोमा खुसी व्यक्त गरिन् । सो अवसरमा परियोजना निर्देशक तथा लायन्स क्लब अन्नपूर्ण सल्लाहकार सोनाम साङ्पोले लायन्स क्लब पोखरा अन्नपूर्णले बिभिन्न लायन्स क्लब संग मिलेर बिभिन्न विद्यालयमा खानेपानी निर्माण कार्य धमाधम भइरहेको बाए । लायन्स क्लब अन्नपूर्णका अध्यक्ष प्रदीप राजभण्डारी क्लबले बिशुद्ध रुपमा समाज सेवा गर्न लागेको सोको मूल्यांकन आगामी दिनमा हुनेमा विश्वास व्यक्त गरे ।