पोखरा । तमु धिं नेपाल रुपा गाउँपालिकाको प्रथम स्थापना दिवस मंगलबार रुपा गाउँपालिकामा भएको छ ।
कार्यक्रममा रुपा गाउँपालिकाका अध्यक्ष नवराज ओझाले गाउँपालिकाले भाषा, संस्कृति र पहिचान जोगाउन समाजका संस्थासँग सहकार्य गर्दै आएको बताए । आगामी दिनमा सहकार्यलाई अझै फराकिलो पार्दै जाने उनले प्रतिवद्धता जनाए । उनले विकास र समृद्धि मात्र नभई संस्कृतिको संरक्षण पनि स्थानीय तहको प्रमुख दायित्व रहेको बताउँदै तमु धिं जस्ता संस्थाले त्यसमा ठुलो योगदान पु¥याइरहेको उल्लेख गरे ।
गाउँपालिकाकी उपाध्यक्ष लालसुवा गुरुङले स्थानीय सरकार र सामुदायिक संस्था एकआपसमा हातेमालो गरेर अगाडि बढ्दा मात्र सामाजिक विकास सम्भव हुने बताइन् ।
सो अवसरमा तमु धिं नेपालका वरिष्ठ उपाध्यक्ष सुवेदार मेजर श्रीप्रसाद गुरुङले तमु धिं संस्थाले लामो समयदेखि समाजमा पु¥याउँदै आएको योगदानलाई स्मरण गर्दै मौलिक भाषा, संस्कृति र परम्पराको संरक्षणलाई अझै प्राथमिकता दिने प्रतिबद्धता व्यक्त गरे । उनले गाउँ–गाउँमा संगठनात्मक संरचना विस्तार गरी भावी पुस्तालाई आफ्नै पहिचानमा गर्व गर्न सक्ने वातावरण बनाउनुपर्नेमा जोड दिएका थिए । सोही अनुसार तमु धिं नेपाल अघि बढेको उनको भनाइ थियो ।
तमु धिं नेपालकी प्रथम उपाध्यक्ष गिमाया गुरुङले तमु महिलाको सक्रियता संस्थागत विकाससँगै संस्कृति र परम्पराको संवद्र्धनमा महत्वपूर्ण हुने उल्लेख गरिन् ।
तमु धि नेपालका भाषा सस्कृति विभाग प्रमुख कृष्णकुमार गुरुङले तमुुहरुको सस्कार, सस्कृति जगेर्ना गदै जातीय मुद्दामा काम गदै आएको बताए ।
उक्त अवसरमा रुपा गाउँपालिकाबाट यस वर्ष कक्षा १२ र एइई उत्तिर्ण भएका गुरुङ विद्यार्थीसँगै पालिकाबाट खेलकुदमा सफलता प्राप्त गरेका खेलाडी, अन्तर्राष्ट्रिय फिफा रेफ्री तथा पोखरा युनिभर्सिटिका सिनियटरलाई पनि सम्मान गरिएको थियो ।
तमु धिं नेपाल रुपा गाउँपालिका अध्यक्ष गेसबहादुर गुरुङको अध्यक्षतामा भएको कार्यक्रममा रुपाका टोल टोलबाट ल्याइएका लोपउन्मुख कृष्ण चरित्र, सारेठी, घाटु, चुड्का, ठेटर जस्ता मनोरञ्जात्मक सास्कृतिहरु कार्यक्रमलाई आकर्षक बनाएको थियो ।
वार्षिकोत्सवको अवसरमा पोखरा र आसपास बसोबास गर्ने रुपा गाउँपालिका अन्तर्गतका सिद्धार्थ तमु समाज, रुपा तमु समाज, स्याक्लुङकोट तमु समाज, शान्ती रुपा तमु समाजकोले पनि विशेष सहभागिता जनाउँदै सास्कृति कार्यक्रम प्रस्तुत गरेका थिए ।
सोही कार्यक्रममा अनि रुपा गाउँपालिका तमु धिं कार्य समिति, युवा समिति र आमा समितिलाई रुपा गाउँपालिकाका केन्द्रीय तमु धि कार्य समितिमा रहेकी प्रथम उपाध्यक्ष गिमाया गुरुङ, कार्य समिती सदस्य काशीमाया गुरुङ र बिष्णु गुरुङले भांग्रा, क्रमु र चोलो हस्तान्तरण गरेका थिए ।
सोही समारोहमा सम्मानित फिफा रेफ्री तथा फुटवल सघं नेपालका वर्तमान अध्यक्ष बुद्धिबहादुर गुरुङले कार्यक्रमका लागि खाजा प्रयोजन गरेका थिए । भने खानेपानीको सौजन्य तमु धिं नेपालकी प्रथम उपाध्यक्ष गिमाया गुरुङले गरेकी थिइन् ।
वार्षिकोत्सव सफल पार्न रुपा–६ का वडाध्यक्ष नारायण गुरुङ, तमु धिं रुपा गाउँपालिका कार्यसमिति, सल्लाहकारहरु, तमु धिं नेपाल केन्द्रीय समिति परिवार, विभिन्न तमु समाजका प्रतिनिधिहरु, संघ–संस्था तथा मिडियाकर्मीहरुको लगायत करिब ६ सय जनाको उल्लेखनीय उपस्थिति रहेको थियो ।