पोखरा ।

पोखराको मानव अधिकार चोकस्थित ट्रेडमलका व्यवसायीहरूले नेपाल कम्युनिस्ट पार्टी (नेकपा)को एकता सन्देश सभाको विरोध गरेका छन्। आज पोखरामा हुन लागेको उक्त सभामा पार्टी संयोजक प्रचण्ड, माधवकुमार नेपाल लगायत शीर्ष नेतृत्वले सम्बोधन गर्ने कार्यक्रम छ।

व्यवसायीहरूले ट्रेडमल क्षेत्रअगाडि पार्टीको कार्यक्रम राखिँदा व्यवसाय ठप्प पर्ने, ग्राहक आवतजावत र सुरक्षा वातावरणसमेत कमजोर हुने भन्दै असन्तुष्टि व्यक्त गरेका हुन्। उनीहरूले गरि खान देउँ, व्यवसाय चल्न देउँ लगायतका प्लेकार्डसहित विरोध गरेका हुन् । व्यवसायीले विशराे गर्दा कार्यकता र व्यवसायी विच धकेलाधकेल भएकाे हाे । ट्रेडमलका व्यवसायी चेञ्ज वयरका सञ्चालक अशोक शर्माले निरन्तर राजनीतिक पार्टीका सभा–जुलुसका कारण व्यवसाय प्रभावित भइरहेको बताए।

‘एकदमै अराजकता भयो। भाइलाई इन्जिनियर पढाएर विदेश पठाएँ, ऋण काढेर पसल खोलें। तर दैनिकजस्ता सभाले व्यवसाय नै सुकाउने अवस्थामा पुगेको छ,’ शर्माले भने। व्यवसायीहरूको गुनासोको बीच आजको नेकपा कार्यक्रमका कारण मानव अधिकार चोक र आसपासका सडक क्षेत्रमा प्रहरी सुरक्षा बढाइएकाे छ ।