पोखरा ।
लायन्स क्लब अफ पोखरा दर्शनका अध्यक्ष रश्मिला बास्तोलाले पोखरा २६ अर्घौचोकस्थित लक्ष्मी माध्यमिक विद्यालयमा अक्षय कोष स्थापना गरेकी छन् । आइतबार उनले अक्षयकोषका लागि ५१ हजार ५५५ रुपैयाँ र शैक्षिक सामग्री विद्यालयका प्रधानाध्यापक जगन्नाथ अधिकारी र सहायक प्रअ इश्वरीकुमारी जीसीलाई हस्तान्तरण गरेकी हुन् ।

विद्यालयलाई सहयोग गर्न पाउँदा खुशी लागेको उनले बताइन् । उनले सोही विद्यालयबाट २०५६ सालमा एसएलसी उत्तीर्ण गरेकी हुन् । विद्यालयमा सिकेका कुरा जीवनका महत्वपूर्ण आधार बनेको उनको भनाइ छ । क्लबले गर्ने सामाजिक कार्यक्रम अन्तर्गत उनले विद्यालयमा व्यक्तिगत रुपमा अक्षयकोष स्थापना गरेकी हुन् ।

विद्यालयबाट प्राप्त गरेका अनुभव, ज्ञान र प्रेरणाले आगामी दिनमा दायित्व र यात्रामा योगदान पु¥याउने बताउँदै उनले विद्यार्थीलाई लगनशिल र अनुशासित भएर अघि बढ्न सुझाव दिइन् ।

‘मेरो हजुरबुबा स्व वीरबहादुर जीसीले जग हालेर विद्यालय स्थापना गर्नुभएको थियो । उहाँ संस्थापक अध्यक्ष हुनुभएको थियो र विद्यालय सञ्चालन समितिमा पनि महत्वपूर्ण भूमिका निर्वाह गर्नुभएको थियो,’ रश्मिलाले भनिन् ।

कार्यक्रममा डिष्ट्रिक गर्भनर ३२५ जेको मिलनबावु मल्ल, एरिया चिफ लायन महेश श्रेष्ठ, को जोन नरेन्द्रकुमार कार्की, क्लबका संस्थापक अध्यक्ष शोभा पाण्डे, गभर्नर प्रो चीफ अन्जना पराजुली, पूर्वध्यक्ष सिर्जना लम्साल, हरी बास्तोला लगायतको उपस्थिती थियो । कार्यक्रम सञ्चालक अपेक्षा पौडेलले गरेकी थिइन् ।

सन् २०१६ मा स्थापना भएको क्लबमा महिला मात्र पदाधिकारी छन् । विद्यालयको स्थापना २०१५ सालमा भएको हो । विद्यालयमा १२ सय विद्यार्थी छन् ।