एजेन्सी

संयुक्त राज्य अमेरिकाकामा कोरोना भाइरस महामारीका कारण पछिल्लो २४ घण्टामा २४ सय भन्दा बढीको मृत्यु भएको छ । यो समाचार तयार पार्दासम्म अमेरिकामा मात्र ६ लाख १३ हजार संक्रमित फेला परेका छन् भने २६ हजार ४७ जनाको ज्यान गएको छ ।

एजेन्सीहरुले बताए अनुसार यो समाचार तयार पार्दासम्म करिब २० लाख जनामा यो भाइरसको संक्रमण फैलिएको पुुष्टी भएको छ भने एक लाख २६ हजार ५९७ बढीले ज्यान गुमाइसकेका छन् ।

करिब ४ लाख ८० हजार उपचार पछि घर फर्केका छन भने उपचाररत मध्ये झण्डै ५२ हजारको अवस्था चिन्ताजनक छ ।

पछिल्लो समय स्पेन र इटलीमा नयाँ संक्रमितको संख्या घटिरहेको छ भने बेलायतमा नयाँ स.क्रमित बढिरहेका छन् ।

ट्रम्पको आक्रोश डब्लुएचओ माथि

अमेरिकी राष्ट्रपति डोनल्ड ट्रम्पले विश्व स्वास्थ्य सङ्गठनलाई आर्थिक सहायता रोक्न आफ्नो प्रशासनलाई निर्देशन दिएको बताएका छन्।

कोरोनाभाइरस सङ्क्रमण फैलिरहेको घटनालाई लिएर कदम चाल्ने सन्दर्भमा ून्यूनतम दायित्व पूरा गर्न डब्ल्यूएचओ विफल भएकोू उनको आरोप छ।

चीनमा कोरोनाभाइरस देखिएपछि त्यसको सङ्क्रमणसम्बन्धी विषयलाई सही ढङ्गले व्यवस्था गर्न नसकेको र घटनालाई ढाकछोप गरेको पनि राष्ट्रपति ट्रम्पले आरोप लगाए।

डब्ल्यूएचओलाई जवाफदेही बनाउनैपर्ने उनको भनाइ छ। यसअघि ट्रम्पले डब्ल्यूएचओले चीनप्रति आग्रह राखेको आरोप लगाएका थिए।

उनले डब्ल्यूएचओ चीनकेन्द्रित भइरहेको आरोप प्रायः लगाउने गरेका छन्।

अमेरिकामा कोरोनाभाइरस महामारीसँग जुझ्न लिएका नीतिलाई लिएर ट्रम्प आफैँले आलोचना खेपिइरहेका छन्।

तर मङ्गलवार उनले कोरोनाभाइरस महामारीलाई लिएर आफ्नो प्रशासनले चालेका कदमहरूको आक्रोशपूर्ण ढङ्गले बचाउ गरेका थिए।

बीबीसीका अनुसार ह्वाइट हाउसमा आयोजित पत्रकार सम्मेलनमा उनले भने,–कोरोनाभाइरसको सङ्क्रमण फैलने विषयलाई एकदमै नराम्रो ढङ्गले व्यपस्थापन गरेको र त्यसलाई ढाकछोप गरेको विषयमा समीक्षा भइरहँदा आर्थिक सहयोग रोक्न म आफ्नो प्रशासनलाई निर्देशन दिँदैछु।ू

आफ्नो न्यूनतम दायित्व पूरा गर्न डब्ल्यूएचओ विफल भएको छ र उसलाई जवाफदेही बनाउनैपर्छ– ट्रम्पले थपे।

अमेरिका डब्ल्यूएचओलाई सबैभन्दा धेरै आर्थिक सहयोग गर्छ जसले गत वर्ष ४० करोड डलर उपलब्ध गराएको थिए। यो रकम डब्ल्यूएचओको कुल बजेटको १५ प्रतिशतभित्र पर्छ।

कोभिड(१९ को महामारी विश्वव्यापी फैलिएपछि हामीले अमेरिकी उदारताको उत्कृष्ट सदुपयोग भए वा नभएकोबारे हाम्रो गहिरो चासो छ,ू ट्रम्पले भने।

चीनको वुहान शहरमा पहिलो पटक कोरोनाभाइरस देखिएपछि त्यसबारे पर्याप्त लेखाजोखा गर्न डब्ल्यूएचओ विफल भएको ट्रम्पले आरोप लगाए।

उनले भने– के अवस्थाको वस्तुगत लेखाजोखा गर्नका निम्ति डब्ल्यूएचओले चीनमा चिकित्सा विज्ञहरूको टोली पठायो र चीन पारदर्शी नभएकोबारे कुरा उठायो ?

उसको स्रोतसाधनबाट कम मानवीय क्षतिमा कोरोनाभाइरसलाई नियन्त्रण गर्न सकिन्थ्यो– ट्रम्पले पत्रकारहरूलाई भने।

त्यसो गरिएको भए विश्वव्यापी आर्थिक क्षतिलाई रोक्न सकिन्थ्यो। तर त्यसो नगरेर डब्ल्यूएचओले चीन सरकारका कदमहरूको प्रतिरक्षा गर्‍यो।ू
यसअघि डब्ल्यूएचओका एक वरिष्ठ अधिकारीले यो आर्थिक सहयोग रोक्ने समय नभएको बताएका थिए। उनले सबै मिलेर कोरोनाभाइरस महामारीसँग जुझ्नुपर्ने बताएका थिए ।