पाेखरा

कोरोना संक्रमणपछि विश्वभर ३ लाख ४४ हजार ७७ जनाको मृत्यु भएको छ।
जोन हप्किन्स विश्वविद्यालयले प्रकाशित गरेको सोमबार बिहानसम्मको तथ्यांक अनुसार अमेरिकामा सबैभन्दा बढी ९७ हजार ६ सय ८६ जनाको मृत्यु भएकाे छ ।

बेलायतमा ३६ हजार ८ सय ७५, इटालीमा ३२ हजार ७ सय ८५, स्पेनमा २८ हजार ७ सय ५२ जनाको मृत्यु भएकाे छ ।

यसैगरी विश्वभर कोरोना संक्रमण पुष्टि हुनेको संख्या ५४ लाख नाघेको छ। ५४ लाख ६ सय ८ जनामा संक्रमण पुष्टि भएको छ।

सर्वाधिक संक्रमण देखिएको देशको सूचीमा अमेरिका नै पहिलो स्थानमा छ। त्यहाँ १६ लाख ४१ हजार ५ सय ८५ जनामा संक्रमण पुष्टि भएको छ। ब्राजिलमा ३ लाख ६३ हजार २ सय ११, रुसमा ३ लाख ४४ हजार ४ सय ८१, बेलायतमा २ लाख ६० हजार ९ सय १६, स्पेनमा २ लाख ३५ हजार ७ सय २२, इटालीमा २ लाख २९ हजार ८ सय ५८ जनालाई कोरोना संक्रमण पुष्टि भएको छ।

विश्वभर २१ लाख ६५ हजार ७ सय ८२ जना संक्रमित अहिले संक्रमणमुक्त भएका छन्। तीमध्ये अमेरिकामा ३ लाख ६६ हजार ७ सय ३६, जर्मनीमा १ लाख ६० हजार २ सय ८१, स्पेनमा १ लाख ५० हजार ३ सय ७६, ब्राजिलमा १ लाख ४९ हजार ९ सय ११ जना संक्रमणमुक्त भएका छन्।