पाेखरा

काेराेना कहरकै कारण गण्डकी प्रदेशकाे आर्थिक वृद्धि दर २.६८ प्रतिशतमा खुम्चिने भएकाे छ ।

गण्डकी प्रदेश सभामा प्रदेश आइतबार नीति तथा कार्यक्रम प्रस्तुत गर्दै प्रदेश प्रमुख अमिक शेरचनले कोरोनाका कारण प्रदेशको वार्षिक कार्यक्रम, प्रथम पञ्चवर्षीय योजना र दिगो विकासका लक्ष्य प्राप्तिमा व्यवधान खडा भएको बताए ।

चालु आर्थिक वर्षमा प्रदेशको वार्षिक आर्थिक वृद्धिदर ९.३ प्रतिशत हुने लक्ष्य रहेकाेमा कोरोनाकै कारण प्रदेशको विप्रेषण, पर्यटन, कृषि, उद्योग लगायतका क्षेत्रमा प्रभाव परी २.६८ प्रतिशतमा खुम्चिने प्रारम्भिक अनुमान गरिएको उनले बताए ।

कोरोनाको महामारीबाट मानव जीवनको रक्षा गर्नु हाम्रो प्रमुख कर्तव्य हुन आएको अवस्थामा सरकारका विकासका लक्ष्य पुन प्राथमिकीकरण गर्नु पर्ने भएको सरकारले जनाएको छ ।