समाधान संवाददाता, पोखरा

बेगनास युवा क्लब पोखराका अध्यक्ष राम रानाभाट लागु औषधसहित पक्राउ परेका छन् ।

रौतहटको चन्द्रनिगाहपुर (चपुर) इलाका प्रहरी कार्यालयको टोलीले साउन २४ गते सोही इलाकाबाट उनलाई पक्राउ गरेको हो ।

३९ वर्षीय रानाभाट र अन्य २ युवा लागु औषधसहित पक्राउ परेको चपुर इलाका प्रहरी कार्यालयका डिएसपीले समाधानलाई जानकारी दिए ।

रानाभाटसहित पक्राउ पर्नेमा तनहुँ दुलेगौंडाका २८ वर्षीय महम्मद मुर्तुजा र बाराका २२ वर्षीय लालुदिन मियाँ खान छन् ।

उनीहरुले प्रयोग गरेको इको स्पोर्टस गाडीमा जाँच गर्दा काेरेक्स नामक लागु औषध फेला परेको रौतहटका एसपी रवि खड्काले बताए ।

उनीहरु तीनै जनाको १ हप्ताको म्याद थपेर अनसन्धान भइरहेको डिएसपीले बताए । ‘उनीहरु लागु औषध प्रयोगकर्ता हुन् कि कारोबारी अनुसन्धान हुँदैछ,’ उनले भने ।