समाधान संवाददाता

पोखरामा कोरोना भाइरस संक्रमितको संख्या बढेसंगै पोखरा रंगशाला भित्रका सम्पूर्ण खेलकुद गतिविधि बन्द गरिएका छन् ।

क्षेत्रीय खेलकुद विकास समिति र जिल्ला खेलकुद विकास समितिले आइबार सम्युक्त सूचना प्रकाशन गरेर अर्को सूचना प्रकाशन नभएसम्मका लागि रंगशाला भित्र हुने सम्पूर्ण खेलकुद गतिविधि बन्द गरिएको जानकारी दिएको छ ।

रंगशालामा पछिल्लो समयमा टेनिस, ब्याडमिन्टन, स्क्वास, बास्केटबल, मार्शल आर्ट लगायतका खेलकुद गतिविधि भैरहेका थिए ।

‘दिन प्रति दिन कोरोना संक्रमण बढ्दै छ, त्यसैले रंगशालामा खेलकुद गतिविधि बन्द गर्नु परेको हो ।’ क्षेत्रीय खेलकुद विकास समितिका डी.बी.नेपालीले समाधानलाई बताए ।

पछिल्लो समयमा रंगशालामा विदेशबाट ल्याइएका नेपालीलाई जम्मा गरेर त्यहीबाट जिल्ला जिल्लामा पठाउने गरिएको छ ।